महालेखा नियन्त्रकको कार्यालयले ९१ जना सहलेखापालहरुको सरुवा तथा फाजिल व्यवस्थापन गरेको छ । महालेखाले नेपाल प्रशासन सेवा लेखा समूहका राजपत्र अनकिंत द्धितीय श्रेणीका सह लेखापालहरुमध्ये ८० सहलेखापालहरुको सरुवा तथा ११ जनाको फाजिल व्यवस्थापन गरेको हो ।

बिज्ञापन

जस अनुसार,भक्त बहादुर मल्ललाई जिल्ला हुलाक कार्यालय कालिकोटबाट भूमि प्रशासन कार्यालय कालिकोटमा खटाइएको छ भने सो कार्यालयमा कार्यरत रहेका मान बहादुर घर्ती मगरलाई जिल्ला हुलाक कार्यालयमा पठाइएको छ । बनस्पति अनुसन्धान केन्द्र जुम्लाबाट टीकालक्ष्मी शाहीलाई इलाका प्रशासन कार्यालय नराकोट,जुम्लामा खटाइएको छ । यस्तै,सुनिल थापा मगरलाई इलाका प्रशासन जुम्लाबाट नापी कार्यालय जुम्लामा खटाइएको छ ।