सशस्त्र प्रहरी बल २७ नं. गण रुपन्देहीले अवैध रुपमा ल्याइएको १० हजार केजी प्याजको गाडी बरामद गरेको छ । १० हजार केजी प्याज, बोरा सिलाउने मेसिन र गाडीको बिगो मूल्य सहित कायम गरी ५० लाख बराबरको अवैध सामान बरामद गरी आज भैरहवा भन्सार कार्यालयमा प्राप्त भएको प्रमुख नारद गौतमले जानकारी दिए ।
बिज्ञापन
रुपन्देहीको सिद्धार्थनगर ४ दोगहरा इलाकामा भारतबाट अवैधरुपमा नेपालतर्फ ल्याएर बाँसको छाप्रोमा भण्डारण गरी ग १ ख ९२२६ नं. को २.५ टाटा गाडीमा गत आइतबार राती साढे दश बजेको समयमा लोड गर्दै गरेको अवस्थामा फेला पारेको सशस्त्र प्रहरी नायब उपरीक्षक मोहन न्यौपानेले जानकारी दिए ।
बिज्ञापन
२७ गणका सशस्त्र प्रहरी उपरीक्षक (एसपी) आनन्द थापा मगरको नेतृत्वमा खटिएको ११ जना सीमा अनुगमन टोलीले सशस्त्र प्रहरी बल नेपाल ईन्टेलिजेन्स ब्युरोको विशेष सूचनाका आधारमा उक्त प्याजसहितको गाडी पक्राउ गरिएको हो ।
