उपसचिव सरुवाको मापदण्ड परिवर्तन भएको छ । महालेखा नियन्त्रक कार्यालयले यसै साता उपसचिव सरुवाको लागि गृहकार्य गरिरहेको छ । महालेखा नियन्त्रक कार्यालयले ‘नेपाल प्रशासन सेवा, लेखा समूहको जनशक्ति व्यवस्थापन मापदण्ड, २०८३’ तयार पार्दै सरुवाको आन्तरिक तयारी थालेको हो।

बिज्ञापन

महालेखाका अनुसार, अहिले प्राप्त निवेदनहरु ट्याली गर्ने काम भइरहेको छ । एउटै कार्यालयमा एक भन्दा बढी उपसचिव तहका कर्मचारीहरु सरुवा हुन चाहेका कारण अहिले सोही सरुवा निेदन ट्याली गर्ने काम भइरहेको महालेखाले जनाएको छ ।
महालेखाले लेखा समूहका उपसचिवहरूको सरुवा प्रक्रिया अघि बढाउन नयाँ मापदण्ड जारी गरेको हो । यस अघि कार्यालयहरूलाई क, ख, ग र घ वर्गमा विभाजन गरी आकर्षक मानिएका निकायमा कार्यरत कर्मचारीलाई अन्यत्र पठाउने व्यवस्था थियो । सडक विभाग, स्वास्थ्य सेवा विभाग लगायतका कार्यालयलाइ आकर्षक निकाय अर्थात क बर्गमा राखिएको थियो । नयाँ मापदण्डमा उक्त वर्गीकरण हटाइएको छ।