झण्डै डेढ महिनादेखि हिमालयन बैंकको नेतृत्व पूर्व मुख्य सचिव बैकुण्ठ अर्यालले कमाण्ड गरिरहेका छन् । अर्यालले संस्थापक समूह तर्फका शेयर धनी नेशनल लाईफ इन्स्योरेन्स कम्पनी लिमिटेडको प्रतिनिधित्व गर्दै हिमालयन बैंकको सञ्चालक समितिमा प्रवेश गरेका हुन । यसअघि बैंकको अध्यक्ष रहेका प्रचण्डबहादुर श्रेष्ठले पदबाट राजीनामा दिएपछि अध्यक्ष पद रिक्त भएको थियो। श्रेष्ठले राजीनामा दिएको चार दिनपछि नै सञ्चालक समितिले अर्याललाई बैंकको अध्यक्ष नियुक्त गरेको हो।

बिज्ञापन

नेपाल सरकारको उच्च प्रशासनिक पद मुख्यसचिवबाट अवकाश प्राप्त गरेपछि उनले यो नयाँ जिम्मेवारी बहन गर्न थालेको डेढ महिना बितेको छ । उनी १४ भदौंदेखि नै लागू हुने गरी बैंकको कमाण्ड गर्न थालेका हुन ।
सो बैंकको सञ्चालक समितिमा पूर्वमुख्यसचिवदेखि बैंकिङ, बीमा, ऊर्जा, पूर्वाधार, दूरसञ्चार र पर्यटन क्षेत्रको अनुभवी व्यक्तित्वहरु रहेका छन् । बैंकको सञ्चालक समितिमा कर्मचारी सञ्चय कोषको तर्फबाट विरेन्द्र पौडेल सदस्य छन् । उनी कर्मचारी सञ्चय कोषका मुख्य प्रबन्धक हुन् । कर्मचारी सञ्चय कोषको प्रतिनिधिका रूपमा सञ्चालक समितिमा रहेका पौडेलले संस्थागत प्रतिनिधित्व गरिरहेका छन् । तर बैंक लथालिङ्ग अवस्थामा सञ्चालन भइरहेको बैंकका कर्मचारीहरुले जनाएका छन् ।