बिज्ञापन

बिज्ञापन

प्रहरी अनुसन्धानअनुसार प्रकरणमा नक्कली राष्ट्रिय परिचयपत्र तयार गर्ने प्रक्रियादेखि वडा कार्यालयको सिफारिस, मालपोतसम्बन्धी कागजात र जग्गा पास गराउने प्रक्रियासम्म विभिन्न व्यक्तिको संलग्नता रहेको आरोप छ। मुद्दा दर्ता गरिएकामध्ये मुख्य योजनाकार भनिएका राजन सिङ्घानिया फरार छन्। मुद्दा चलाइएका व्यक्तिहरुले अमेरिकामा बसोबास गर्दै आएका सुमित अग्रवाल (अडुकिया) को कालिमाटीस्थित एक रोपनी १३ आना जग्गा कागजात कीर्ते गरेर बेच्ने काममा विभिन्न भूमिका खेलेका थिए । सो जग्गा नक्कली पहिचान तथा सरकारी कागजात बनाएर बिक्री भएको थियोे ।

यो प्रकरणमा मुख्य योजनाकार राजन सिङ्घानिया फरार छन भने विचौलिया मुस्ताफा आलम,वकील चौधरी थारु, जमन कुमार रोका,लेखापढी व्यवसायी राजाराम थापा,नासु पदक बहादुर थापा,दर्ता अपरेटर राधिका ढुङ्गेल,नासु रामराज पोखरेल पक्राउ परेका छन् भने काठमाडौँ महानगरपालिका वडा नं १३ का अध्यक्ष ध्रुव नारायण मानन्धर हाजिर जमानीमा छुटेको छन् । यस्तै कार्यालय सहयोगी सन्तबहादुर मानन्धर,वडा अधिकृत सुमनकुमार झाका अलवा भूमि प्रशासन र मालपोत कार्यालय कलंकीका टीका बहादुर कुँवर क्षेत्री (मालपोत अधिकृत),भूमि प्रशासन अधिकृत रोशन के सी,खरिदार पूजा लामिछाने,नासु ईश्वरबन्धु गौतम पक्राउ परेका छन् । अन्य तीन नासु चूडामणि पराजुली, रुद्र बहादुर वली र दीपकराज देवकोटा फरार छन् ।