बिज्ञापन

बिज्ञापन

सूची अनुसार, सर्भेक्षक दुर्गा प्रसाद उपाध्याय पनि ललितपुरबाट मकवानपुर सरुवा भएका छन्, उनी ६ वर्ष कास्की, ३ वर्ष नापी विभाग र ३ वर्ष ललितपुर बसेका कर्मचारी हुन । उनको घर कैलाली भए पनि मकवानपुर जाने कुनै कारण देखिदैन । उपाध्याय पेसागत राजनीतिमा पनि सक्रिय कर्माचारी हुन । सर्भेक्षक देवी प्रसाद सापकोटाको बुटवल देखि कलंकी पुगेका छन् । यस अघि करिब ९ वर्ष बुटवल र भैरहवा ३ वर्ष बसिसकेका कर्मचारी हुन उनी ।

राम्रो अड्डा देखि राम्रो अड्डामा सरुवा हुनेमा धर्मराज अधिकारी , ध्रुवराज जोशी, नविन अधिकारी, नारायण सापकोटा, पदम बहादुर चन्द, पुष्पराज जोशी, प्रकाश अर्याल, भक्त राज भट्ट, भीम बहादुर जीसी, महेन्द्र सिंह कुँवर, महेश दत्त भट्ट, मुरारी त्रिपाठी, मोहन ज्ञवाली, मोहन दत्त अवस्थी, मोहन राना, रंजन ढुंगाना, रविन भट्टराई, राजिव श्रेष्ठ, राजेन्द्र थापा, राजेश केसी, राम कृष्ण घिमिरे, रामचन्द्र भण्डारी, रुपा डोटेल, लक्ष्मण बन्जारा, विजय राज जोशी, बिष्णु कुमार ओली, शिव प्रसाद पौडेल, शिवजी कुमार शाह, श्याम कृष्ण प्रजापति, संगीता पौडेल, सन्तोष भण्डारी, सुमित कतिला, सुरेश गोहितमान, हरिचन्द्र तिवारी, हिक्मत बहादुर कुवंर, हेमन्त कुमार चपाई लगायत रहेका छन् ।

उनीहरु प्राय सबै लामो समय राम्रो र सुगम कार्यालयमा बसेका छन् । नगेन्द्र बस्नेत नापी कार्यालय तुलसीपुरबाट भक्तपुर सरुवा भएका छन् । स्रोत भन्छ,नगेन्द्र विभागका नजिकका मान्छे हुन र यिनीले सरुवाको फाराम पनि भरी राख्नु पर्दैन । प्रदीप कुमार मण्डल पनि कावासोती देखि भक्तपुर सरुवा भएका छन् । उनी यस अघि १ दशक भन्दा बढी कपिलवस्तुमा अड्डा जमाएर बसेका थिए । यज्ञ प्रसाद उपाध्याय दमकदेखि सुर्खेत सरुवा भएका छन् ।

अमिनको सरुवा संख्यात्मक रूपमा सर्भेक्षक भन्दा कम गरिएको छ तर अमिनको सरुवा पनि मनलाग्दी सरुवा गरिएको कर्मचारीहरुले टिप्पणी गरेका छन् । राजपत्र अनंकितको सरुवा घर पायक सरुवा गर्दा सहज हुने भनिए पनि एकै समय एकै कार्यालयमा बसी फेरी सुग कै कार्यालयमा हुने प्रवृत्तिले गर्दा दुर्गममा बसेर सेवा प्रवाह गर्नेको मनोबल घटेको कर्मचारीहरुले तीतो पोखेका छन् । सरुवाको सूची हेर्दा पिछडिएको कोटाबाट जागिर खाएका हुन्छन त्यस ठाउँमा यिनीहरू कहिले नगएको देखिएको छ ।

आफुले माग गरेको कार्यालयको ठाउँमा सरुवा नहुनुको पिडा एक तर्फ छ भने अर्को तर्फ सरुवा हुन चाहेको ठाउँमा दरबन्दी खालि हुदाँ हुँदा पनि सरुवा नगरिएकोमा कर्मचारीहरुले रोष प्रकट गरेका छन् । सरुवा सूची अध्ययन गर्दा नापी कार्यालय उदयपुर, हुम्ला, खिजीफलांते, म्याग्दी, रुकुम, रुकुमकोट, गरुडा, प्यूठान, अछाम, रसुवा, रोल्पा, तेह्रथुम र ओखलढुंगा जस्ता कार्यालयमा कार्यालय प्रमुखहरूको सरुवा भई नापी अधिकृत र कार्यालय प्रमुखको दरबन्दी खालि गरिएको छ । त्यस्ता कार्यालयहरूमा सरुवा माग गरेका मध्ये वा अरु कुनै कार्यालयमा अवधि पुगेका कर्मचारीको व्यवस्थापन गर्नमा विभागको ध्यान गएको देखिदैन । यो समस्या सर्भेक्षक र अमिन तहमा अझ धेरै देखिन्छ ।

नापी विभागको सरुवामा उस्तै वेतिथि : सुगमदेखि सुगम नै सरुवा