बिज्ञापन

बिज्ञापन

सरकारको सफ्टवेयर आफैं बनाउने सो केन्द्रमा त्यहाँ तिनैले नियुक्ति पाए जसले गत जेठ १२ गते प्रधानमन्त्री कार्यालयले उक्त केन्द्रको नियम, कार्यविधि र कार्यक्षेत्र (टीओआर) को मस्यौदा कोर्ने काम गरेका थिए । सो समयमा किरण तिमसिनाको संयोजकत्वमा आन्तरिक कार्यदल बनाएको थियो । यही केन्द्रको पछि कार्यकारी निर्देशक खुला प्रतिस्पर्धाबाट नियुक्त गर्ने प्रक्रिया अघि बढ्यो । रोचक चाहिँ, केन्द्रको कार्यकारी निर्देशक पदका लागि तिमिल्सिना आफै उम्मेदवार बने र अन्ततः नियुक्त पनि भए।

तिनै संयोजकले आफैँले खाने जागिरको योग्यता र परीक्षाको नियम आफैँ लेखेको दाबी रास्वपाका सांसद ओलीले सदनमा गरिन्। पछिल्लो क्याविनेटले सफ्टवेयर विकास तथा सञ्चालन केन्द्रको कार्यकारी निर्देशकमा नियुक्ति गरिँदा नीतिगत भ्रष्टाचार भएको बिषय उठान गरेकी हुन । उसो त यस अघि दूरसञ्चार प्राधिकरणमा समेत उसैगरी अर्जुन घिमिरेलाई नियुक्ति दिलाएको थियो ।

सो केन्द्रको कार्यकारी निर्देशकका लागि सर्ट लिष्टमा झापाका उनै तिम्सिनासँगै नारायणप्रसाद घिमिरे, ध्रुव ज्ञवाली, डा। भोजराज घिमिरे, ई निराजन पन्थी र डा श्रीधर मरासिनी सर्टलिस्टमा परेका थिए । गत असोज २ गते अन्तर्वार्ता सकेर सोही दिनको मन्त्रिपरिषद्को बैठकले तिमिल्सिनालाई नियुक्त गरेको थियो । आफैँ परीक्षाको नियम र प्रश्नपत्र बनाउने, आफैँ परीक्षामा सहभागी भएर प्रथम पनि हुने बिषय नीतिगत भ्रष्टाचार भएको भन्दै सांसद ओलीले संसदमा प्रश्न उठाएकी हुन । स्मरण रहोस सरकारले अहिले सञ्चालन गरिरहेको करदाता प्रोत्साहन उपहार कार्यक्रमको खाका तयार पार्ने टोलीमा पनि तिमसिनाले काम गरेका थिए । उक्त उपहार कार्यक्रमको एप बनाउने भूमिकामा समेत उनै तिमिल्सिना सक्रिय थिए ।अहिले उनैलाई नियुक्ति दिइएको हो । सुशासनको चर्काे वकालत गर्ने सरकारले जस्ले प्रश्नपत्र बनायो,उसैलाई परीक्षामा बसालेर,सोही व्यक्तिलाई प्रथम भएको घोषणा गर्दै सार्वजनिक निकायमा नियुक्ति दिलाएसँगै सरकार नीतिगत भ्रष्टाचारमा कसरी अगाडि बढिरहेको छ भन्ने यो एउटा सानो उदाहरण मात्र हो ।