कुमारी बैंकको नाफामा गिरावट आएको छ। समीक्षा अवधिमा बैंकको खुद नाफा १९ दशमलव १२ प्रतिशत घटेको छ। अघिल्लो आर्थिक बर्षको चैत मसान्तसम्ममा कुमारी बैंकले १ अर्ब ५ करोड २७ लाख ९४ हजार रुपैयाँ नाफा आर्जन गरेको छ । गत आवको सोही अवधिमा बैंकले १ अर्ब ३० करोड १६ लाख ५९ हजार रुपैयाँ नाफा आर्जन गरेको थियो ।
बैंकले गएको ९ महिनामा १ अर्ब ५ करोड २७ लाख रुपैयाँ आर्जन गरेको छ। गत वर्षको सोही अवधिमा बैंकले १ अर्ब ३० करोड रुपैयाँ खुद नाफा गरेको थियो।
बिज्ञापन
यस्तै बैंकको खुद ब्याज आम्दानी १२ दशमलव ६७ प्रतिशतले बढेर ८ अर्ब ४२ करोड ४७ लाख ९८ हजार रुपैयाँ पुगेको छ । यस्तै सञ्चालन नाफा २१ दशमलव ६० प्रतिशतले बढेर २ अर्ब २६ करोड १८ लाख ७४ हजार रुपैयाँ पुगेको छ ।
सञ्चालनमा रहेका बैंकहरुमध्ये सबैभन्दा बढी खराब कर्जा भएको बैंकमा परेको छ कुमारी बैंक । कुमारी बैंकको खराब कर्जा बढेर पाँच प्रतिशत नजिक पुगेको छ । खराब कर्जा बढ्दै गएपछि बैंकको नाफामा पनि प्रत्यक्ष असर देखिएको छ ।
