प्रधानमन्त्री वालेन्द्र शाहले मन्त्रिपरिषद् बैठक आह्वान गरेका छन् । प्रधानमन्त्रीको सचिवालयका अनुसार आज दिउँसो ३ बजे बस्ने गरी मन्त्रिपरिषद् बैठक बोलाइएको हो । बैठक सिंहदरबारस्थित प्रधानमन्त्री तथा मन्त्रिपरिषद्को कार्यालयमा बस्नेछ ।
बिज्ञापन
आजको बैठकले दुई जना बरिष्ठ सहसचिवहरुलाई सचिवमा बढुवा गर्नसक्नेछ । बढुवा सिफारिस समितिले बरिष्ठ सहसचिव विनोद कुँवर एकल बढुवा सिफारिस गरेको छ । उनी ज्येष्ठताको आधारमा (२० प्रतिशततर्फ) नेपाल सरकारको सचिव पदका लागि एकल सिफारिस मा परेका हुन् । कार्यसम्पादन मूल्याङ्कन (८० प्रतिशत) का आधारमा हुने बढुवामा लगातार चार पटकसम्म एक सचिवका लागि तीन वरिष्ठ सहसचिव र पाँचौँ पटक ज्येष्ठता (२० प्रतिशत) बाट एक जना मात्र ज्येष्ठ सहसचिवको नाम सिफारिस गर्ने प्रावधान अनुसार यस पटक कुँवरको नाम एकल सिफारिसमा परेको हो ।
बिज्ञापन
यस्तै बढुवा सिफारिस समितिले सहसचिवत्रय उत्तरकुमार खत्री, कालीप्रसाद पराजुली र रूद्रसिंह तामाङको नाम सिफारिस गरेको छ । विगतमा तीन सहसचिवहरुलाई सचिवमा बढुवा गरिँदा पहिलो नम्बरका सहसचिवलाई बढुवा गरिएको उदाहरण छ । सो अनुसार,उत्तरकुमार खत्री सचिवमा उक्लने सम्भवना रहेको छ ।
यस्तै आजको क्याविनेटले गत भदौ १० गते रसुवाको भोटेकोसी नदीमा आएको विनाशकारी बाढीपछि सरकार खोज, उद्धार, उपचार, राहत र पुनर्स्थापनालाई थप प्रभावकारी बनाउन र आवश्यक निर्णय गर्न लागेको प्रधानमन्त्रीको सचिवालयले जनाएको छ ।
