सर्वाेच्च अदालतका पूर्व प्रधानन्यायधीश चोलेन्द्र शमशेर जबरामाथिको महाभियोगको औचित्य समाप्त भएको ठहर गर्दै सम्बन्धित चारवटै रिट खारेज हुँदै गर्दा फेरि संवैद्यानिक निकायमा कार्यरत दुई व्यक्तिविरुद्ध त्यस्तै निवेदन परेको खबर छ ।

बिज्ञापन

हिजोमात्र प्रधानन्यायाधीश मनोजकुमार शर्माको नेतृत्वको इजलाशमा रहेका न्यायाधीशहरु सपना प्रधान मल्ल, कुमार रेग्मी, विनोद शर्मा र शारंगा सुवेदीको संवैद्यानिक इजलासले यससम्बन्धी चार थान रिट खारेज हुने फैसला सुनाएको थियो । यही समयमा अख्तियारका प्रमुख आयुक्त र सर्वाेच्चका तेस्रो बरियताका न्यायधीशविरुद्ध महाभियोग माग गर्दै उजुरी परेको खबर बाहिरिएको हो । सर्वोच्च अदालतका न्यायाधीश कुमार रेग्मी र अख्तियार प्रमुख आयुक्त प्रेम राईमाथि महाभियोगको माग गर्दै संसद् सचिवालयमा निवेदन दर्ता भएको छ । शंकर रजकले रेग्मी र राईमाथि महाभियोगको प्रस्ताव दर्ता हुनुपर्ने माग गरी संघीय संसद् सचिवालयमा सूचित गरेका हुन् । संसद् सचिवालयमा गत भदौ १६ गते नै यो उजुरी दर्ता भएको सचिवालय स्रोतले जनाएको छ ।