गृह मन्त्रालयले नयाँ विभाग स्थापना गरेको छ । यस अघि गृह मातहत रहेको शाखालाई मन्त्रालयको ओ एन्ड एम पछि लागु औषध नियन्त्रण विभाग बनाएको हो । गृह मन्त्रालयले केही अगाडि गरेको ओएनएममा पहिलोपटक लागूऔषध नियन्त्रण विभाग स्थापना गरिएको थियो । बढ्दो लागूऔषध कारोबार, दुरुपयोग तथा सीमापार हुने अवैध ओसारपसारलाई प्रभावकारी रूपमा नियन्त्रण गर्ने उद्देश्यले गृहले यस अघि शाखा रहेको लागूऔषधलाई विभागमा रुपान्तरण गरेको हो । लागूऔषध नियन्त्रणसम्बन्धी काम गृह मन्त्रालय र नेपाल प्रहरीका विभिन्न निकायमार्फत सञ्चालन हुँदै आएको थियो। अब भने नीति निर्माण, समन्वय, अनुसन्धान, रोकथाम, पुनःस्थापना कार्यक्रम तथा अन्तरनिकाय सहकार्यलाई एकीकृत रूपमा अघि बढाउन छुट्टै विभाग स्थापना गरिएको हो ।

बिज्ञापन

सो विभागमा १ सहसचिव, २ उपसचिव, ३ शाखा अधिकृत, ५ नायब सुब्बा र २ कम्प्युटर अपरेटरको दरबन्दी पनि स्वीकृत गरिएको छ । जहाँ सहसचिव ऋषिराम तिवारीलाई विभागको महानिर्देशकको रूपमा सरुवा गरेको छ ।