रसुवाको टिमुरेबाट १२३ जनाको सकुशल उद्धार भएको छ । हिजो भोटेकोसी नदीमा आएको बाढीका कारण बेपत्तामध्ये नेपाली सेनाले हेलिकप्टरमार्फत सकुशल उद्धार गरिएको नेपाली सेनाले जनाएको छ ।
यसरी उद्धार गरिएकामध्ये ८ जना विदेशी र बाँकी नेपाली रहेका छन् । उनीहरूमध्ये विदेशीलाई हेलिकप्टरमार्फत काठमाडौँ ल्याउने तयारी भइरहेको छ भने बाँकीलाई धुन्चे ल्याउने तयारी भइरहेको छ । त्यसैगरी रसुवाको हाकुस्थित जलविद्युत् आयोजनाको टनेलमा फसेका सात जनाको जीवितै उद्धार गरिएको छ भने अन्य तीनवटा टनेलमा उद्धार भइरहेको नेपाली सेनाले जनाएको छ ।
बिज्ञापन
नेपाली सेनाका टिमुरे क्षेत्रमा हराइरहेका २१ जना भारतीय पर्यटकको पनि जीवितै उद्धार गरी काठमाडौँ ल्याउने क्रम जारी भइरहेको छ । यसै क्रममा टनेलबाट ७ जना नेपाली नागरिकलाई समेत सफलतापूर्वक इभाकुएसन गरिएको नेपाली सेनाका प्रवक्ता राजाराम बस्नेतले जनाएका छन् । उनका अनुसार मैलुङ हाइड्रोपावरको ३ ए टनेलबाट उनीहरूको उद्धार भएको हो ।
