बिज्ञापन

बिज्ञापन

वासन्ती सुवास गीतका संगीतकार र गायक विराज काफ्ले भन्दछन् बाल्यकालमै परिवारले मेरो सङ्गीतप्रतिको रुचि देखाइदिएको र त्यसलाई निरन्तर प्रोत्साहन पनि मिल्यो। दिल्लीको विद्यालयमा बस्दा गजल र हिन्दुस्तानी शास्त्रीय सङ्गीतको उर्वर वातावरण भेटियो। शास्त्रीय सङ्गीत पाठ्यक्रमको अङ्ग थियो, अन्तरविद्यालयीय प्रतियोगितामा सहभागितालाई प्रोत्साहन दिइन्थ्यो। वरिष्ठहरूको प्रस्तुति सुनेर म एकान्तमा उनीहरूको अनुकरण गर्ने गर्थें। यसरी अरूका शब्द लिएर कुनै न कुनै रागमा ढाल्ने अभिरुचि बिस्तारै बलियो भयो। तेह्र वर्षको उमेरमा गीतकार कालीप्रसाद रिजाल र राजेन्द्र थापासँग भेट्ने अवसर मिल्यो। उहाँहरुका शव्दमा रेडियो नेपालमा गीत रेकर्ड भए र पछि म्युजिक नेपालबाट प्रकाशित सबैको लागि एल्बम बन्यो। उनी भन्छन् सोह्र वर्षको उमेरमा एकल गायकका रूपमा सांगीतिक कार्यक्रममा उभिने अवसर पनि आयो। वर्षौंपछि सोही एल्बमको गीत एक्लो बाटोको पुनःसृजित संस्करण पन्त फिल्म प्रतिष्ठान र म्युजिक नेपालबाट सार्वजनिक भयो । गीतकार डा. दामोदर रेग्मी संग मेरो पुरानो चिनजान भएपनि उहांका गीत गाउने अवसर जुरेको थिएन अहिले वासन्ती सुवास मार्फत उहांसंग जोडिन पाउदा खुशी लागेको छ ।

विराज काफ्ले पेशागत रूपमा दिल्ली विश्वविद्यालयसँग आबद्ध दयाल सिंह कलेजमा अंग्रेजी साहित्य पढाउँछन्। उनी भन्छन् साहित्यले ममा कलाको आस्वादन, आलोचनात्मक हस्तक्षेप र सामाजिक रूपान्तरणको लगाव जगायो मलाइ सामाजिक विषय टिप्पणी बोकेका गीत रचना गर्दा विशेष आनन्द मिल्छ जसमा बसन्त ढकालको यसपाली, कवि दुष्यन्त कुमारको हिन्दी कवितामा आधारित मेरो रचना चिराग मयस्सर नहीं र सबैको लागि एल्बममै रहेको राजेन्द्र थापाको पानी देशको पुनःसृजना पर्छन्। धेरै पछि म पुन संगीत र स्वरको साथ पुन श्रोता दर्शकको सामु सुप्रिध्द गीतकार डा. दामोदर रेग्मीको वासन्ती सुवास मार्फत आएको छु मेरा अन्य गीतहरु जस्तै यो गीत पनि रुचाइदिनुहुनेछ उनी भन्छन्। गीतकार डा. दामोदर रेग्मी विराज काफ्ले संग अन्य गीतहरुमा पनि सहकार्य हुने र आफ्ना गीतहरुमा नयां गायक गायिकालाई अवसर दिने कार्यले समेत निरन्तरता पाउने कुरा बताउंछन्।