सरकारले असार पहिलो साताभित्रै कर्मचारीको संगठन तथा व्यवस्थापन सर्वेक्षण टुंग्याउने भने पनि सो काम पूरा गर्न सकेको छैन । समयमा ओएण्डएमको काम पूरा गर्न नसकेपछि गुपचुप म्याद थपिएको छ ।

बिज्ञापन

०८२ चैत २२ गते बसेको मन्त्रिपरिषद् बैठकले संघ, प्रदेश र स्थानीय तहका सरकारी निकायमा ओ एण्ड एम सर्वेक्षण सञ्चालन गर्न औपचारिक स्वीकृति दिएको थियो । सोही निर्णयलाई आधार बनाएर सरकारी निकायहरूको संगठन संरचना, दरबन्दी पुनरावलोकन तथा कर्मचारी व्यवस्थापनको काम अघि बढाइएको थियो । यसको करिब एक महिनापछि, २०८३ वैशाख ३० गते, मन्त्रिपरिषद्ले नेपाल सरकार कार्यविभाजन नियमावली, २०८३ स्वीकृत गर्दै संघीय मन्त्रालयको संख्या २२ बाट घटाएर १८ कायम गर्ने निर्णय गरेको थियो ।
प्रधानमन्त्री तथा मन्त्रिपरिषदको कार्यालयले जेठ १२ गते सबै मन्त्रालयलाई परिपत्र गर्दै असार ७ गतेभित्र सङ्गठन तथा व्यवस्थापन सर्वेक्षण (ओएण्डएम) कार्य सम्पन्न गर्न निर्देशन दिएको थियो । निर्धारित समयमा ९ वटा मन्त्रालयले मात्रै सङ्गठन तथा व्यवस्थापन सर्वेक्षण (ओएण्डएम) बुझाएका बाँकी मन्त्रालयले समयभित्र ओएण्डएम गरेर बुझाउन नसके पछि असार मसान्तसम्म समय थपिएको हो ।