मधेस प्रदेश सरकारले प्रदेशमा कार्यरत कर्मचारीको तलब १० प्रतिशत बढाएको छ । प्रदेशसभामा आगामी आर्थिक वर्ष २०८३/ ८४ को बजेट प्रस्तुत गर्दै अर्थमन्त्री युवराज भट्टराईले प्रदेशका कर्मचारीहरुको तलब १० प्रतिशतले बढेको बताएका हुन ।
बिज्ञापन
अर्थमन्त्री भट्टराईले प्रदेशमा कार्यरत कर्मचारीले हाल प्राप्त गरेको महँगी भत्तालाई निरन्तरता दिँदै सुरु स्केलको आधारमा तलबमा १० प्रतिशत वृद्धि गरेको जनाएका छन् ।प्रदेश सरकारले कर्मचारीको मनोबल उच्च राख्दै सेवा प्रवाहलाई थप प्रभावकारी बनाउन तलब वृद्धि गरिएको जनाएको छ। बजेटमार्फत सार्वजनिक भएको यो घोषणापछि प्रदेश सरकार अन्तर्गत कार्यरत कर्मचारीहरू प्रत्यक्ष रूपमा लाभान्वित हुनेछन्।
बिज्ञापन
यस्तै मधेशमा टुक्रे योजना ल्याएर बजेट रकम छर्ने प्रवृत्तिमा नियन्त्रण गरिने बताएका हुन्। उनले अब एक करोड रुपैयाँभन्दा कमका योजना बजेटमा समावेश नगरिने जनाएका छन् ।
बिज्ञापन
