बिज्ञापन

बिज्ञापन

सप्तरी जिल्लाको बिरपुर गाउँपालिका- ६ घर भई विगत २५/ २६ वर्षदेखि लमजुङको मध्यनेपाल नपा- ४ दुईपिप्लेमा बस्दै आएका दासले यही चैत्र २३ गते रातको दशबजेतिर श्रीमती ४० वर्षीय उजेली गुरुङलाई बाँसको कप्टेरोले हानेर सख्त घाइते पारेका थिए ।

स्थानीय अभि थापा मगरको घर भाडामा बस्दै आएका दास केही समयदेखि बाहिर बस्दै आएका थिए । सो रात श्रीमती उजेली एक्लै भएको चाल पाएर मदिराको जोसमा बाँसको खपेटाले टाउको लगायत शरीरका विभिन्न भागमा कुटेर रक्ताम्य पारेको खबर स्थानियले चाल पाएपछि उपचारका लागि घाइते उजेलीलाई स्थानीय रिस्ती मादी अस्पताल लगिएको र प्राथमिक उपचारपछि थप उपचारका लागि पोखरा स्थित गण्डकी मेडिकल अस्पतालमा उपचारका पुर्याइएको थियोे । उपचारका क्रममा घाइते उजेलीको शुक्रबार बिहान १० बजेतिर मृत्यु भएको ईलाका प्रहरी कार्यालय भोर्लेटारले जनाएको छ ।

दुईपिप्लेमा पाउरोटी बनाउने काम गर्दै आएका दासले व्यास नगर पालिका- ८ बर्लाछी कि उजेलीसग २२ वर्षअघि बिहे गरेका थिए । उनको एक छोरी र एक छोरा छन् । छोरी कुसुमको बिहे पनि भैसकेको र १९ वर्षका छोराले दुईपिप्लेमै ब्लक उद्योगमा काम गर्छन् ।

श्रीमतीलाई बेहोस पारी भागेर लुकेका दासलाई ईलाका प्रहरी कार्यालय भोर्लेटारका प्रमुख प्रहरी निरीक्षक राजाराम खड्काको टोलीले घटनास्थल भन्दा सय मिटर पर लुकेर बसेको अवस्थामा प्रकाउ गरि थप अनुसन्धानका लागि जिल्ला पठाएको थियो । श्रीमती उजेलीको मृत्युपछि दासलाई कर्तव्य ज्यानको कसुर अन्तरगत मुद्दा चलाइने भए पनि दासले कुटपिट बारे केही  नखोलेको जिल्ला प्रहरी कार्यालय लमजुङले जनाएको छ ।