६ जना पूर्व कर्मचारीलाई साता दिनभित्र सरकारी कागजात र जिन्सी सामाग्री बुझबुझारथका लागि अल्टिमेटम दिइएको हो । जनकपुरमा रहेको बृहत्तर जनकपुर क्षेत्र विकास परिषद्ले वरिष्ठ प्रशासकीय अधिकृत, कम्प्युटर अधिकृत, अधिकृत, लेखापाल, स्टोर किपर,र नायब सुब्बा तहका ६ कर्मचारीलाई सरकारी कागजात र जिन्सी सामाग्री साता दिनभित्र बुझबुझारथ गर्न अल्टिमेटम दिइएको हो ।
बिज्ञापन
परिषद्ले वरिष्ठ प्रशासकीय अधिकृत चिरञ्जीवी ढुङ्गाना, कम्प्युटर अधिकृत कृष्ण मुरारी सिंह, अधिकृत जितेन्द्र कुमार यादव, लेखापाल साबित्री कुमारी गिरि, स्टोर किपर मदन कुमार चौधरी र नायब सुब्बा सञ्जय कुमार मण्डललाई बुझाउनु पर्ने सर सामान र सरकारी कागाजात साता दिनभित्र बुझाउन भनिएको छ । उनीहरूमध्ये अधिकांश विशेष अदालत काठमाडौँमा विचाराधीन रहेको मुद्दामा प्रतिवादी समेत रहेका छन् । विशेष अदालतले २०८२ चैत २ गते नै ती सक्कल कागजातहरू झिकाउन आदेश दिएको भए पनि कर्मचारीहरूले त्यसलाई लुकाएको परिषद्को दाबी छ ।
बिज्ञापन
विभिन्न कारबाहीमा परी निलम्बन तथा बर्खास्त भएका ती पूर्व कर्मचारीहरूलाई सात दिनभित्र सरकारी कागजात र जिन्सी सामग्रीहरू बर–बुझारथ गर्न अल्टिमेटम दिएको छ ।
सूचनामा आगामी सात दिनभित्र ती कर्मचारीहरूले आफूसँग रहेका सक्कल कागजात र जिन्सी सामानहरू बुझाएर भरपाई नलिएमा उनीहरू उपर प्रचलित कानुन बमोजिम कडा कानुनी कारबाही अगाडि बढाइने उल्लेख छ ।
