बिज्ञापन

बिज्ञापन

भन्सारमा सामान भित्रिँदा त्यसको मूल्य कति हो र त्यसमा कति कर लाग्छ भन्ने निर्धारण गर्ने प्रक्रिया नै भन्सार मूल्यांकन हो । विगतमा भन्सार प्रशासनले सन्दर्भ मूल्यलाई आधार बनाएर भन्सार मूल्यांकन गर्दै आएका थिए । तर सन्दर्भ मूल्य तत्काल परिवर्तन हुन नसक्ने तर वस्तुको मूल्य छोटो समयमै घटबढ हुने भएकोले यसले व्यवहारिक समस्या निम्तिँदै आएको थियो ।

विभागले कारोबार मूल्यमा आधारित भन्सार मूल्यांकन प्रणाली पूर्ण रूपमा कार्यान्वयनमा ल्याएसँगै भन्सार जाँचपासमा विवाद र अपारदर्शिताको मानिएको रेफरेन्स बुक राख्ने परम्पराको अन्त्य भएको छ । तीन महिनाअघि विराटनगर भन्सार नाकामा परीक्षणको रुपमा सुरु गरिएको कारोबार मूल्यमा आधारित भन्सार मूल्यांकन प्रणाली अब देशभरका सबै भन्सार नाकाहरूमा लागू भएको हो।

यो प्रणाली लागू भएसँगै दशकौंदेखि चल्दै आएको मूल्यांकनको सन्दर्भ पुस्तिका राख्ने परम्पराको अन्त्य भएको छ। भन्सार अधिकारीहरुले अब व्यापारिक कारोबारको वास्तविक मूल्यका आधारमा शुल्क लगाउने व्यवस्था मिलाइएको छ।

भन्सार मूल्यांकनलाई वैज्ञानिक बनाउने भन्दै शुरुमा गत ८ असोजमा विराटनगर भन्सारबाट सुरु भएको थियो । त्यहाँको सफल परीक्षणपछि कात्तिक १६ गते मुलुककै ठूलो वीरगञ्जस्थित आईसीपीमा यो प्रणाली लागू गरियो । भन्सार विभागले विराटनगर, वीरगञ्ज भन्सारमा यो प्रणालीको परीक्षण गरिएकोमा अब देशैभरका बाँकी १८ वटा भन्सार भन्सार कार्यालयमा यो प्रणालीको प्रारम्भ भएको विभागले जनाएको छ ।