केन्द्रीय अनुसन्धान ब्युरो सीआइबी ले प्रभु बैंकका प्रमुख कार्यकारी अधिकृत, नायब प्रमुख कार्यकारी अधिकृत (डेपुटी सिइओ) र प्रमुख कर्जा अधिकृतलाई पक्राउ गरेको छ ।
बिज्ञापन
आज दिँउसो सिइओ अशोक शेरचन,डेपुटी सिइओ मणिराम पोखरेल र प्रमुख कर्जा अधिकृत (सिसिओ) रिवास श्रेष्ठलाई पनि पक्राउ गरेको एसएसपी शिवकुमार श्रेष्ठले जानकारी दिए।
बिज्ञापन
उनीहरूमाथि ठगी, आपराधिक विश्वासघात र नेपाल राष्ट्र बैंक ऐन, २०५८ अनुसार अनुसन्धान अघि बढाएको थियो। राष्ट्र बैंकको निर्देशन तथा प्रचलित कानून विपरीत प्रभु बैंकलाई हानी नोक्सानी पुर्याएको तथा सोही अपराध लुकाउन विभिन्न कम्पनीहरूको नाममा करौडौं रकम कर्जा प्रवाह गरी दुरूपयोग गरको आरोप छ। उनीहरूमाथि बैंकिङ कसुर तथा सजाय ऐन, २०६४ अन्तर्गतको कसुरमा उच्च अदालत पाटनबाट पक्राउ अनुमति लिएको प्रहरीले जनाएको छ।
‘प्रतिवादी कुसुम लामा समेत उपर अनुसन्धान भएको ठगी, आपराधिक विश्वासघात र नेपाल राष्ट्र बैंक ऐन, २०५८ अन्तर्गतको कसुर मुद्दाको अनुसन्धानको सिलसिलामा संकलन भएका विवरण तथा तथ्यहरूको विज्ञ टोली समेतले अध्ययन विश्लेषण गर्ने क्रममा सीईओ शेरचन समेतले राष्ट्र बैंकबाट जारी निर्देशन तथा प्रचलित कानून विपरीत कार्य गरी प्रभु बैंकलाई हानी नोक्सानी पुर्याएको तथा सोही अपराधलाई लुकाउन विभिन्न कम्पनीहरूको नाममा करोडौं रकम कर्जा प्रवाह गरी कर्जाको दुरुपयोग गर्ने/गराउने कसुरमा संलग्न रहेकाले पक्राउ गरी अनुसन्धान कार्य जारी रहेको छ,’ सीआईबीका प्रवक्ता श्रेष्ठले जारी गरेको विज्ञप्तिमा उल्लेख छ ।
बिज्ञापन
उनीहरू सबैलाई सीआईबीले बैंकको केन्द्रीय कार्यालय परिसरबाटै पक्राउ गरेको हो। सिआइबीले यसअघि सीआईबीले कात्तिक २१ गते राति प्रभु बैंकको मुख्यालयमा छापा मारी दुई दर्जनभन्दा बढी महत्त्वपूर्ण फाइल नियन्त्रणमा लिएको थियो।
यसअघि प्रभु ग्रुपका सञ्चालक तथा नेकपा एमालेका पूर्वसांसद देवीप्रसाद भट्टचनलाई पक्राउ गरेकोमा धरौटीमा रिहा भएका थिए । उनी रिहाइ भए पछि प्रभु म्यानेजमेण्ट प्रालिका खाता सञ्चालक हेमकुमार महाजुलाई पनि सीआईबीले नियन्त्रणमा लिएर अनुसन्धान गरिरहेको छ ।
विभिन्न सहकारीको रकमसमेत अपचलन गरेको आरोपमा उनीहरु पक्राउ परेका हुन । यस्का अलवा बैंकको अर्बबढी रकम अपलचनमा समेत उनीहरु जोडिएको सिआइबी स्रोतले जनाएको छ । प्रभु म्यानेजमेन्ट प्रालिको नाममा बैंकबाट अर्बाै कर्जा प्रवाह गरेर व्यक्तिगत लाभमा प्रयोग गरेको भेटिएसँगै धमाधम एक पछि अर्काे कर्मचारीहरुलाई पक्राउ गरेर अनुसन्धान अगाडि बढाइएको हो ।
विशेष गरी प्रभु बैंकबाट प्रभु म्यानेजमेन्टको रेमिट्यान्स खातामा जम्मा भएको झण्डै ३० करोड रकम अपचलन प्रकरणमा अहिले अनुसन्धान भइरहेको सिआइबी स्रोतका भनाई छ ।
