उपत्यकामा जारी कर्फ्यु र निषेधाज्ञाको अवधि थप गरिएको छ। तर जनजीवन सहज बनाउन नेपाली सेनाले केही समयका लागि बजार र अत्यावश्यक सेवा सञ्चालन गर्न अनुमति दिएको छ।
बिज्ञापन
बिज्ञापन
सेनाले दैनिक उपभोग्य वस्तु व्यवस्थापनका लागि २६ गते बिहान ६ बजेदेखि ९ बजेसम्म र साँझ ५ बजेदेखि ७ बजेसम्म पसल खोल्न पाउने व्यवस्था गरेको छ। अत्यावश्यक सेवाका सवारी र संस्थाहरू भने कर्फ्यु अवधिभर सञ्चालनमा रहने बताइएको छ।साथै सेनाले भीडभाड नगरी स–सानो समूहमा मात्रै किनमेल गर्न आग्रह गरेको छ।
बिज्ञापन
कर्फ्यु खुकुलो बनाएपछि आज बिहान उपत्यकाका सडकमा चहलपहल केही बढेको देखिएको छ। बजारमा मानिसहरूको भीड सामान्य भन्दा बढी भए पनि सुरक्षाकर्मीहरूलाई भने कडाइका साथ परिचालन गरिएको छ।
तस्बिरहरुमा : बिहानैदेखि सडकमा देखिएको गतिविधि, किनमेलतर्फ हिँडिरहेका नागरिक, चोक–चोकमा सतर्क सुरक्षाकर्मी।
