उद्योग विभागका केही अधिकृतहरु सरुवामा परेका छन् । विभागमा रहेर बदमासी गर्दै आएका र वदमासी साथ दिँदै आएका अधिकृत र निर्देशक सरुवामा परेका छन् ।
बिज्ञापन
कार्यालयको फाइल बोकेर होटलतिर दौडने गरेको आरोप लाग्दै आएका अधिकृत उद्योगबाट आउट भएर श्रम मन्त्रालयतिर पुगेको उद्योग मन्त्रालय स्रोतले जनाएको छ । त्रिपुरेश्वरस्थित उद्योग विभागमा बसेर उद्यमीहरुलाई त्राहीमाम बनाउने काम गर्दै आएको आरोप थियो अधिकृत हुन बसन्त बहादुर खत्रीमाथि । यस अघि अघि ट्रेडमार्क शाखामा बसेर उद्यमी तथा व्यवसायीहरुलाई सताउँदै आएका उनले यस्तो धन्दा त्यहाँबाट अनुमति शाखामा पुगेर पनि जारी राखेका थिए । उक्त शाखामा उद्यमी तथा व्यवसायीहरु सबैभन्दा पहिला ठोकिने शाखा । त्यही शाखाबाट अनावश्यक व्यवसायीहरुलाई दुख र हैरानी दिने गरेको बिषयमा गत साता कर्मचारी प्रेसले समाचार प्रकाश गरेको थियो । अधिकृत खत्रीले दिने गरेको हैरानी र भुक्तमानको बिषयमा उद्योग मन्त्री,सचिवदेखि विभागको डिजीसम्मको कानमा पुगेसँगै उनलाई त्यहाँ आउट गरिएको छ । उनीसँगै उक्त शाखाको निर्देशकको कुर्सीमा छन्,मनोज रेग्मी पनि सरुवामा परेका छन् । रेग्मी र खत्रीको टिमले फाइल होल्ड गरेर राख्ने र डिल मिलेपछि मात्र वानेश्वर वा त्रिपुरेश्वरतिरको होटलमा गएर डिल गर्ने गरेको आरोप विभागकै कर्मचारीहरुले लगाउँदै आएका थिए । अफिसको फाइलै बोकेर हिड्ने र होटल होटलमा पुगेर डिल गर्ने गरेको आरोप खेप्दै आएका उनी त्यहाँबाट सरुवामा परेका हुन ।
बिज्ञापन
ट्रेडमार्क शाखामा हुँदा मनोज रेग्मीले यसैगरी व्यवसायीहरुलाई दुख दिदै आएकोमा अहिले अनुमति शाखाका पुगेपछि फाइलका कमा र पूर्णबिराम समेत हेरेर सताउन थालेका छन् । यो शाखामा कर्मचारीहरुको बदनियतका कारण अहिले शाखाको नाम नै ‘फाइल जाम’ गर्ने शाखाका रुपमा बदनाम हुन थालेको थियो । यसरी उद्योग विभाग नै बदनाम हुन थालेपछि विभागबाट उपसचिव रेग्मी र अधिकृत खत्रीलाई श्रम मन्त्रालयमा सरुवा गराइएको मन्त्रालय स्रोतले जनाएको छ ।
सरुवा भएर श्रम मन्त्रालयमा पुगेका उनीहरुलाई केही गरौं भन्ने हुटहुटी बोकेका मन्त्री डिपी अर्यालले कस्तो जिम्मेवारी दिन्छन्,हेर्न बाँकी छ ।
बिज्ञापन
