संघीय मामिला तथा सामान्य प्रशासन मन्त्रालयले गरेको पछिल्लो सरुवामा अनेकन गडबडी र बदमासी भएको तथ्य बाहिरिन थालेका छन् । स्थानीय तहमा निमित्तको राज अन्त्य गर्ने योजना अनुसार मन्त्रालयले १२२ उपसचिव र ९७ जना शाखा अधिकृतहरुको खटन पटन गरिँदा कतै उपसचिवलाई शाखा अधिकृत बनाएर गाउँपालिकामा खटाइएपछि सरुवाको मनपरी सार्वजनिक भइरहेको थियो नै मन्त्रालयले केही शाखा अधिकृतहरुलाई एक साता देखि महिना दिनमै सरुवा गरेको बिषयले समेत अहिले उक्त सरुवाप्रति आलोचना भइरहेको छ । यस्का अलवा मन्त्रालयमा जरा गाढेर बसेका डन कर्मचारी,स्थानीय तह कर्मचारी प्रशासन शाखा हेर्ने उपसचिवको गृहजिल्लामा अवधि पुगेका कर्मचारीहरु कोही नचलाइनुले समेत सरुवाप्रति अनेकन कोणबाट प्रश्नहरु उठ्न थालेका छन् ।

बिज्ञापन

मन्त्रालयले निजामती सेवा ऐन, २०४९ अनुसार अवकाशको चरणमा रहेका कर्मचारीहरु बाहेक, मन्त्रालयले पारदर्शिता, कार्यकुशलता र भौगोलिक क्षेत्रको अनुभव दिलाउने गरी प्रमुख प्रशासकीय अधिकृत खटाएको हो । यसक्रममा २ वर्षभन्दा बढी मन्त्रालय वा अन्तर्गत कार्यरत, उपत्यका केन्द्रित कार्यालयमै सीमित, स्थानीय तहमा काम नगरेका, प्रदेशमा कामकाजका लागि खटिएका तथा फाजिल वा अतिरिक्त समूहमा रहेका कर्मचारीलाई प्राथमिकतामा राखिएको जनाइएको थियो । तर सरुवा गरिँदा कतिसम्म मनपरी देखिएको छ भने केही उपसचिवलाई शाखा अधिकृत बनाएर खटाइएको छ भने केही उपसचिवहरु चार दिनमै सरुवामा परेका छन् त केहीलाई महिना दिनमै चलाइएको छ तर संघीय मामिला तथा सामान्य प्रशासन मन्त्रालयमा बर्षाैदेखि जरा गाडेर बसेका पावरफुल उपसचिव,शाखा अधिकृतलाई मन्त्री न्यौपानेले छुने हिम्मत गरिनन् ।

बिज्ञापन

दुई बर्ष अवधि पुगेका कर्मचारीहरु सरुवा गरिएको भनिए पनि केही कर्मचारीहरु साता दिन,एक महिनामै सरुवामा परेका छन् । तर सामान्य प्रशासनमा एक दशकभन्दा लामो समयदेखि जरा गाडेर बसेका डन कर्मचारीहरुलाई छुने आँटै गरिएन अझैं स्याङ्जाका स्थानीय तहहरूमा दुई वर्ष वा सोभन्दा बढी अवधी पुगेका कुनै कर्मचारी चलाइन । यो बदमासीमा स्थानीय प्रशासन शाखा हेर्दै आएका भीमकान्त पौडेल हावी हुँदा सरुवामा मनपरी भएको कर्मचारीहरुले गुनासो पोख्न थालेका छन् ।

मन्त्रालयले १२२ जना उपसचिवहरुको सरुवा गर्दा एक सय २१ जनालाई २१ जनालाई विभिन्न नगरपालिकाहरूको प्रमुख प्रशासकीय अधिकृत बनाई पठाइएको छ । यस्तै ९७ जना शाखा अधिकृतहरूको सरुवा गरिँदा ९४ जना स्थानीय तहका प्रमुख प्रशासकीय अधिकृतको जिम्मेवारी दिइएको छ । यसरी सरुवा गरिँदा मन्त्रीकै गृह जिल्ला तनहुँको भानु नगरपालिकाको प्रमुख प्रशासकीय अधिकृत रहेका गौतम भण्डारी बारबर्दिया नगरपालिकामा पुगेका छन् । यस्तै मण्डन देउपुर नगरपालिकामा प्रमुख प्रशासकीय अधिकृत रहेका सुरज श्रेष्ठ मन्त्रीको जिल्लामा रहेको भानु नगरपालिकामा पठाइएको छ । यस्तै मन्त्रालयले सिन्धुलीको हरिहरपुरगढी गाउँपालिकाबाट अजम्बर राईलाई हाजिर भएको चार एक सातामै अन्यन्त्रै खटाएर त्यहाँ तुलसीराम आचार्यलाई पठाएको छ ।

बिज्ञापन

सरुवाको सूची अनुसार रामचन्द्र लामगादेले अर्को राम्रो ठाउँ गैंडाकोट नगरपालिका,नवलपरासी पूर्व जाने चाँजोपाँजो मिलाएका छन्। विवादित उपसचिव हरिराम नागिला कागेश्वरी मनाहराबाट छोटौ अवधिमै सरुवा परेका थिए । यो बीचमा तीन पटक सरुवा भइसकेका छन् । अहिले मध्यनेपाल नगरपालिका लमजुङ लगेको छ भने त्यहाँका चण्डिका पौडेलको एक वर्ष नपुग्दै श्रम मन्त्रालयअन्तर्गत सरुवा भएको छ ।

यता मन्त्रालयले उपसचिवलाई शाखा अधिकृतको रूपमा पालिकामा खटाएको छ। कर्णाली प्रदेशमा कार्यरत उपसचिवलाई मन्त्रालयले हुम्लाको चंखेली गाउँपालिकामा शाखा अधिकृतको हैसियतमा पठाएको हो। बिहीबार मन्त्रालयले ९७ जना शाखा अधिकृत सरुवा गर्ने क्रममा सामाजिक विकास मन्त्रालय अन्तर्गत प्रशासन तथा योजना महाशाखा प्रमुख उपसचिव देवी प्रसाद पौड्याललाई शाखा अधिकृतको रूपमा चंखेली गाउँपालिकामा पठाइएको हो।

म्याग्दीको बेनी नगरपालिकाबाट मेयरसँग सहज ढंगले कार्यसम्पादन गरिरहेका अर्जुन शर्मालाई सरुवा गरेर उनको स्थानमा गण्डकी प्रदेश मुख्यमन्त्री तथा मन्त्रिपरिषद कार्यालयमा प्रशासन चलाइरहेका अधिकारी गएका छन् । गण्डकीकै भौतिक पूर्वाधारतर्फ एमाले निकट मन्त्री प्रकाश केसीलाई सघाइरहेका प्रेम सुवेदी रुकुम पश्चिम पुर्याइएका छन् । बेसीशहर नगरपालिकामा लमजुङका चेतनाथ अर्याललाई अतिरिक्तमा तानेर, लमजुङको सुन्दरबजार पुर्ख्यौली घर भएका सुमन अधिकारी लगिएका छन् । शाखा अधिकृत अजम्बर राईलाई सिन्धुलीको हरिहरपुरगढी गाउँपालिकामा प्रमुख प्रशासकीय अधिकृत बनाएर भाद्र २ मा पठाइएको थियोे । भदौ ५ गते त्यहाँ हाजिर भएको आठ दिनमै मन्त्रालयले उनलाई तानेर तुलसीराम आचार्यलाई पठाएको छ ।

शाखा अधिकृत अजम्बर राईलाई सिन्धुलीको हरिहरपुरगढी गाउँपालिकामा प्रमुख प्रशासकीय अधिकृत बनाएर भाद्र २ मा पठाइएको थियोे । भदौ ५ गते त्यहाँ हाजिर भएको आठ दिनमै मन्त्रालयले उनलाई तानेर तुलसीराम आचार्यलाई पठाएको छ ।

सूची हेर्दा स्याङ्जाका स्थानीय तहहरूमा दुई वर्ष वा सोभन्दा बढी अवधी पुगेका केही कर्मचारीको सरुवा भएको छैन । उदाहरणका लागि फेदिखोला र बिरुवा गाउँपालिका हुन् । तर गल्याङ नगरपालिका र चापाकोट नगरपालिकामा मात्र सरुवा हुनु र अन्य स्थानीय तहमा नहुनुुलाई अचम्म ठानिएको छ । यस्का अलवा लामो समयदेखि सामान्य प्रशासन,पर्यटन लगायतका मन्त्रालयमा रहेका कर्मचारीहरुलाई छुने हिम्मत मन्त्रीले समेत गर्न सकिनन् । स्याङ्जाको आँधीखोला घर भएका भीमकान्त पौडेल स्थानीय तह कर्मचारी प्रशासन शाखामा उपसचिव छन् । सरुवाको सूची मिलाएर उनले अन्तिम निर्णयसम्म पुर्याएको बताइन्छ ।