काठमाडौँ । राजधानीको बुढानिलकण्ठ नगरपालिका–६ मा सडक भासिँदा एक ट्याक्सी सडकमै फँसेको छ। शनिबार बिहान सडक भासिएको उक्त दृश्य नेपाल सरकारका पूर्वसचिव भीम उपाध्यायले सामाजिक सञ्जालमार्फत सार्वजनिक गरेका हुन्।
बिज्ञापन
बिज्ञापन
उनले तस्वीरसहितको पोस्टमा सडक निर्माणको गुणस्तर र निगरानीको कमजोरीप्रति प्रश्न उठाएका छन्। उपाध्यायले लेखेका छन्, “राजधानीकै सडक यस्तो हालतमा हुँदा सरकारको विकासप्रतिको उत्तरदायित्व कता छ भन्ने प्रश्न उठ्छ।”
बिज्ञापन
स्थानीयवासीले पनि वर्षा सुरु हुन नपाउँदै सडक भासिनु चिन्ताजनक रहेको भन्दै चासो प्रकट गरेका छन्। सडक विभाग र सम्बन्धित निकायले तत्काल निरीक्षण गरी मर्मत गर्नुपर्ने माग उनीहरूको छ।
सडक भासिँदा मानवीय क्षति नभए पनि ट्याक्सीलाई भने ठूलो क्षति पुगेको बताइएको छ।
सडक भासिँदा जनजीवन अस्तव्यस्त भएको छ तर सडक विभाग र डिभिजन सडक कार्यालय काठमाडौँ भने टुलुटुलु हेरेर बसिरहेको छ। तत्कालीन मर्मत र स्थायी समाधानको जिम्मेवारी लिने निकाय नै मौन बसेपछि जनतामा आक्रोश थपिएको छ।
