संघीय मामिला तथा समान्य प्रशासन मन्त्री भगवति न्यौपानेले सरुवामा भद्रगोल रहेको बताएकी छिन् । उनले अब कर्मचारी सरुवा स्वचालित बनाइने र बर्ष दिन अगाडि कुनै पनि कर्मचारीको सरुवा नहुने दावी गरेकी छिन् ।
बिज्ञापन
आइतबार तनहुँको शुक्लागण्डकी नगरपालिकाले सञ्चालन गरेको सेवा प्रवाह सञ्चालन केन्द्रको निरीक्षणपछि मन्त्री न्यौपानेले अब कर्मचारी सरुवा चक्रीय प्रणालीबाट हुने दावी गर्दै यस्तो बताएकी हुन ।
पछिल्लो समय एक महिना,दुई महिना, तीन महिनामै कर्मचारी सरुवा भइरहेको बताउँदै अब चक्रिय र स्वाचालित प्रणालीबाट कर्मचारी सरुवा हुने र त्यसका लागि मन्त्रालय नीति बनाउन लागिपरेको बताइन ।
बिज्ञापन
जसलाई जतिखेर मन लाग्यो उतिखेर सरुवा गरिएको बताउँदै उनले अब एक बर्षभन्दा तल कसैको सरुवा गर्न नपाइने र विशेष अवस्थामा मात्र सरुवा गर्न पाइने व्यवस्था बनाउन खोजिएकी बताएकी हुन ।
न्यौपानेले अब भनसुनको आधारमा कर्मचारीको सरुवा नहुने बताइन । अब मन्त्री र सचिव,सहसचिवहरुलाई भेटेर सरुवा गर्दिनुस भन्ने व्यवस्था अन्त्य गरिन्छ । अब कम्तिमा जहाँ कार्यरत छ त्यहीबाट कहाँ सरुवा हुन्छ भनेर पूर्वानुमान लगाउन सकिने गरी कर्मचारी सरुवा हुने बताएकी हुन ।
बिज्ञापन
