रसुवा— रसुवाको गत्लाङबाट काठमाडौंतर्फ जाँदै गरेको यात्रुवाहक बस उत्तरगया गाउँपालिका–५ लहरेपौवामा आज दिउँसो दुर्घटनाग्रस्त भएको छ।
बिज्ञापन
बिज्ञापन
जिल्ला प्रहरी कार्यालय रसुवाका इन्स्पेक्टर राजु शाहका अनुसार पासाङल्हामू राजमार्गअन्तर्गत लहरेपौवामा बा ४ ख ८४३५ नम्बरको बस करिब दिउँसो २ बजे सडकबाट करिब ३० मिटर तल खसेको हो।
बिज्ञापन
दुर्घटनामा १२ जना यात्री घाइते भएका छन्, जसमा एक जनाको अवस्था गम्भीर रहेको प्रहरीले जनाएको छ। घाइते सबैलाई तत्काल उद्धार गरी उपचारका लागि जिल्ला अस्पताल त्रिशुली पठाइएको छ।
दुर्घटनाको कारणबारे अनुसन्धान भइरहेको प्रहरीले जनाएको छ।
