संघीय मामिला तथा सामान्य प्रशासन मन्त्री भगवती न्यौपानेले आफ्नो मन्त्रालयमा एक विवादित र बदनाम सहसचिव भित्र्याउन निकै जोडबल गरिरहेको भेटिएको छ । जहाँ र जुन कार्यालयमा बस्यो त्यही विवादै विवादको भूमरीमा परिरहेका सहसचिव हुन,राजेन्द्रदेव पाण्डे ।
बिज्ञापन
उनै पाण्डे नभई भएको छैन,मन्त्री न्यौपानेलाई । मन्त्री र सहसचिवको घर एउटै जिल्ला तनहुँ हो । त्यही कारण तिनै बदनाम सहसचिवलाई भित्र्याउन मन्त्री लागिपरेकी छिन् । पाण्डे हाल मुख्यमन्त्री तथा मन्त्रिपरिषद्को कार्यालय गण्डकीमा जगेडामा छन् । गण्डकी प्रदेशको अर्थ सचिवको भूमिकामा रहँदा आफ्नै भानु नगरपालिकामा २० करोड र वडामा ८ करोड बजेट खन्याएको भेटिएपछि जिम्मेवारी खोसेर मुख्यमन्त्री तथा मन्त्रिपरिषद्को कार्यालयमा जगेडामा राखिएको थियो । तिनै पाण्डेलाई सामान्यमा भित्र्याएर कर्मचारी प्रशासन महाशाखाको प्रमुख बनाउन खोजिरहेकी छिन्,मन्त्री न्यौपानेले ।
बिज्ञापन
यस अघि धादिङको प्रमुख जिल्ला अधिकारी हुँदा तिव्वती नागरिकलाई नागरिकता दिलाउने काम गरेर होस वा उनकै कमजोरीका कारण झ्याप्ले खोलामा ३५ जनाको अनाहकमा ज्यान गएको थियो । त्यहाँबाट सरुवा भएर गण्डकी प्रदेश अर्थ मन्त्रालयमा पुग्दा समेत उस्तै बदमासीमा मुछिएका सहसचिव पाण्डेलाई सामान्य प्रशासनको कर्मचारी प्रशासन प्रमुख बनाउन खोजेकी छिन्,मन्त्री न्यौपानेले । राजकुमार गुप्ता मन्त्री हुँदा उनका नीजि सचिव रहेका अमित ढुंगनाहरुलाई त्यहाँबाट लखेटी सकिएको छ । अमित यस अघि योगेश भट्टराई मन्त्री उनका पिएका रुपमा काम गरिसकेका कर्मचारी हुन,अमितको ठाउँ कृष्ण सुवेदीले लिने भएका छन् । उनलाई केही दिन अगाडिमात्र सञ्चारबाट सामान्यमा पु¥याइएको छ । कृष्ण यस अघि पद्या अर्याल,शिवमाया तुम्बाहम्फे मन्त्री हुँदा तिनका पिए बसिसकेका कर्मचारी हुन । यस्तै मन्त्री न्यौपानेले आफ्ना नातेदार उपसचिव लेखनाथ न्यौपानेलाई पर्यटनबाट सामान्यमा भित्र्याइसकेकी छिन् ।
बिज्ञापन
