दिउँसै म हराएको छु ।
र मेरो बुद्ध पनि हराएको छ
म निर्निमेष
मेरो बुद्ध खोजि रहेछु
मलाई उचाल्ने छन
मलाई पछार्ने छन
म धैर्यशाली बनेर
बुद्धत्व प्राप्तिको लागि
यात्रामा निस्किएको छु
मलाई साथ देउ
ओ प्रियजनहरु
म किन रुन्छु ?
म रुनुको अर्थ
मलाई नै थाहा छैन
हारेको जीवन घिसारेर
कति समय बाँच्न सकिन्छ र ?
म सँग भएको समय पनि
थिलथिलो हुनेगरी चुटिएको छ
मेरो आस्था र विश्वासलाई
निर्घात पिटिएको छ
मेरो बसन्त हराएको छ ।

बिज्ञापन

मुस्कान छर्ने ओठहरु
खाप्सियोले सिलाईको छ
मान्छेका आकांक्षाहरुलाई
निस्तेज र कुण्ठित बनाइएको छ
शान्ति प्रिय बुद्धकैब छातीमा
गोला बारुद पड्काएर
शान्तिको अर्चना गरिदैछ ।