उ थकित छ
दिनभरिको थकाइले
लखतरान भएर
उ विछ्यौनामा विश्रामित हुन्छ
जिन्दगीका ताना बाना बुन्दै
र मध्यरातमा उ जवर्जस्ति निदाउँछ
सुनौलो भविष्यको कल्पना गर्दै ।
रात आफैमा विषाक्त छ
उज्यालो निले पछि
उ उज्यालो खोज्दै छट्पटिन्छ
र सपना देख्न थाल्छ
उसले अचम्म देख्यो
जता ततै पीडा र छट्पटि देख्यो
जस्तो कि
देशमा डाँकुहरु पसेको देख्यो
र एक्लैले प्रतिरोध ग¥यो
देशको सीमा रेखा मेटिदै गरेको देख्यो
र एक्लैले सीमा रेखा को¥यो
अरब देशहरुमा युद्धपोत देख्यो
र हातमा खुकुरी लियो
भारत आफैमा विभक्त देख्यो
र आफ्नो देशलाई गम्लङ्ग् अंगालो हाल्यो ।
जापानका बैंकहरु लुटिएको देख्यो
र विश्व बैंकको तस्बिर देख्यो
विश्व बैंकको छेउमै
बुद्ध झोक्राइ रहेको देख्यो
बुद्धत्व प्राप्तिका लागि
जोडले शान्तिको नारा लगायो
उसको नारा कसैले सुनेन
उ युद्धको विभीषिकामा फस्यो
उसले बुद्धलाई सुमसुम्यायो
बुद्ध मौन बसे पछि
ग्रिनेड आक्रमणमा
स्वयम्भू ध्वस्त भएको देख्यो ।
गोर्वाचोभ, रेगन, बुस, चान्सलर
थ्याचर, कोइयार र अराफातहरुको
चर्को चर्को बहस देख्यो
तयारी मिसायल र बमहरु देख्यो
गड्याम्म/÷झड्याम्म
आवाजहरु सुन्यो
धुवाँका मुश्लोहरु देख्यो
हेर्दा हेर्दै
विश्वकै मानचित्र सल्किरहेको देख्यो
र आगाका लप्काहरुमा
संयुक्त राष्ट्र संघको ठिक सामुन्ने
राता, राता अक्षरमा
थर्ड वल्र्ड वार लेखिएको देख्यो ।
(गोर्वाचोभ, रेगन, बुस, चान्सलर, थ्याचर, कोइयार र आराफात . कविता लेखन ताका ०४६/०४७ का विश्व चर्चित पात्रहरु )
सुन्दरहरैंचा–६, दुलारी मोरङ
९८४२०७३५२५
बिज्ञापन
बिज्ञापन
