जबरजस्ती करणी गरेको अभियोग लागेका मध्यपहाडी लोकमार्ग आयोजनाका तत्कालीन निर्देशक इन्जिनियर हरिकुमार पोखरेललाई जिल्ला अदालत काठमाडौँले सफाइ दिएको छ ।
बिज्ञापन
घरमा काम सघाउने युवतीमाथि जबरजस्ती करणी गरेको अभियोगमा पुर्पक्षका लागि कारागार चलान भइ छुटिसकेका इञ्जिनियर हरिकुमार पोखरेललाई काठमाडौं जिल्ला अदालतका न्यायाधीश खिमानन्द भुसालको इजलासले अभियोग दाबी नपुग्ने ठहर गर्दै बलात्कार मुद्दामा सफाइ दिएको हो । अदालतले पीडित युवतीले दाबी गरेझैं बलात्कार कसुरमा दाबी नपुग्ने ठहर गर्दै अदालतले यौन दुर्व्यवहारमा परिणत हुने आदेश गरेको हो ।
बिज्ञापन
इञ्जिनियर पोखरेलविरुद्ध ०८० असोज ६ गते अदालतमा मुद्दा दर्ता भएको थियो । उनी ८० साल असोज १३ गते पक्राउ परेका थिए । सोही वर्ष कात्तिक २० गते न्यायाधीश माधवप्रसाद पोखरेलको इजलासले पोखरेललाई धरौटीमा छाडेको थियो । त्यसयता पेसी तोकिए पनि पटक–पटक स्थगित र हेर्न नभ्याइने हुँदै आएको उक्त मुद्दाको ४४ औँ पटकको पेसीमा शुक्रबार अदालतले बलात्कार मुद्दामा दाबी नपुग्ने फैसला गरेको हो ।
गत शुक्रबार ४६ औं पटक पेशी चढेकोमा न्यायाधीश भुसालको इजलासले बलात्कार मुद्दामा दाबी नपुग्ने भन्दै यौन दुर्व्यवहारमा परिणत गरिदिएको हो । जिल्ला अदालतको आदेशसँग पक्राउ परेर थुनामा रहेका इञ्जिनियर पोखरेल शुक्रबार नै रिहा भइसकेका छन् ।
बिज्ञापन
