अख्तियार दुरुपयोग अनुसन्धान आयोगले नेपाल बैङ्क लिमिटेडका पूर्वअध्यक्ष डा चन्द्रबहादुर अधिकारीसहितका व्यक्तिविरुद्ध विशेष अदालतमा भ्रष्टाचार मुद्दा दायर गरेको छ । बैंकबाट ऋण प्रवाह गर्दा घुस लिएको आरोपमा नेपाल बैंकका पूर्वअध्यक्ष डा चन्द्रप्रसाद अधिकारीविरुद्ध भ्रष्टाचार मुद्दा दायर गरेको हो अख्तियारले ।

बिज्ञापन

अधिकारीले तीन वटा कम्पनीलाई कर्जा प्रवाह गर्दा ७५ लाख घुस लिएको उनीसहित पाँचजनालाई प्रतिवादी बनाउँदै आज विशेषमा मुद्धा दायर गरिएको हो ।२०८० को असोजमा बैंकको अध्यक्ष नियुक्त भएका अधिकारीले तीनवटा ऋण फाइलबाट ७४ लाख घुस बुझेको अख्तियारको अभियोग रहेको छ।  अधिकारीले रुपन्देहीको भुसाल हस्पिटालिटीलाई एक अर्ब ७७ करोड २९ लाख कर्जा प्रवाह गरिँदा १९ लाख अधिकारीले घुस लिएको पुष्टि भएको भएसँगै उक्त हस्पिटालिटीका सञ्चालक बालकृष्ण भुसाल, अंकित भुसाल तथा अमृत भुसालविरुद्ध पनि घुस दिएको आरोपमा मुद्दा दायर भएको छ। घुस लेनदेनमा सघाउने नसिब अन्सारीलाई पनि प्रतिवादी बनाइएको छ।
यस्तै हिमाल तराई कन्ट्रक्सन, अकलादेवी ट्रेडर्ससँग घुस लिएको अभियोगमा पनि छुट्टाछुट्टै मुद्दा दायर भएको छ। हिमाल तराई कन्ट्रक्सनसँग ६ लाख तथा अकलादेवीसँग ५० लाख घुस लिएको पुष्टि भएको आयोगले जनाएको छ। उनको मेबाइल नियन्त्रणमा लिई आयोगले विस्तृत अनुसन्धान गर्दा उनको घुस लेनदेन पत्ता लागेको हो।