कम्युनिष्टहरुको रोगै हो,टुट,फुट र गुट । पार्टीमा देखिने यस्तो रोग कर्मचारीहरुको संगठनमा पनि सरेको छ,त्यो पनि पदका लागि । यस्तै एउटा गुटका कारण निजामती कर्मचारीहरुको कान्छो संगठनमा कलह शुरु भएको छ । पूर्व अध्यक्षहरुले आफू निकटका कर्मचारीलाई अध्यक्ष बनाए पछि पार्टी अध्यक्ष माधव नेपालका भाञ्जि ज्वाईहरुको टिमले विद्रोह शुरु गरेको हुन ।
बिज्ञापन
दुई बर्ष अघिमात्र श्रम विभागबाट स्वकीृति पाएर गठन भएको एकीकृत सरकारी कर्मचारी संगठनमा अध्यक्ष पदका लागि लफडा शुरु भएको हो । बढूवा पछि मोहन घिमिरे उपसचिवमा उक्लिएसँगै संगठनको अध्यक्षमा छानिएका थिए गगन बिष्ट । विष्ट पनि घिमिरेझैं बढूवाबाट उपसचिवमा उक्लिए । गगन उपसचिवका बढूवाका लागि सिफारिस भएसँगै एउटा पक्षले आफू निकटस्थलाई अध्यक्ष बनाउन शुरु गर्यो खेलोफड्को ।जसमा आफ्ना ग्रिपका यामबहादुर खत्रीलाई अध्यक्ष बनाउन खाजे तर व्याक हुन चाहेनन्,शरण गुरुङ ।
बिज्ञापन
गत बर्षको फागुन २६ र २७ गते खरिपाटीमा भएको भेलाले संगठनको अध्यक्षमा गगन र सह अध्यक्षमा शरणलाई चयन गरेको थियो । निर्वाचन भनिए पनि टीका लगाएरै पदाधिकारी चयन भएको थियो उक्त समयमा । तर गत अस्ति फागुन २९ शरणहरुको समूहलाई माइनस गरी उपसचिवमा बढूवा सिफारिस भइसकेका गगनको अध्यक्षतामा बैठक बसालेर जारी गरेको अपानीप्रति शरणहरुको समूहले आपत्ति प्रकट गरेको छ । शरणलाई अध्यक्ष बन्न नदिने षडयन्त्र पूर्वक उनलाई पेशागत महासंघको समेत जिम्मेवारी दिइएको थियो । शरणलाई पेशागतको जिम्मेवारी सुम्पिए पछि उनले युनेगो (कर्मचारी संगठनमा) भाग खोज्दैनन् भन्ने बुझाई थियो उनीहरुको ।
तर शरणले पेशागत महासंघको जिम्मेवारीबाट राजीनामा दिए २३ पुसमा । शरण यस अघि नै एमालेमा हुँदा उपाध्यक्ष चलाइसकेका कर्मचारी हुन । संघीय संसद सचिवालयमा कार्यरत उनी पार्टी फुटेपछि एकीकृत सरकारी कर्मचारी संगठनमा महासचिव,उपाध्यक्ष हुँदै अहिले सह अध्यक्षको भूमिकामा थिए तर उनी भन्दा कनिष्ठ यामबहादुर खत्रीलाई अध्यक्ष बनाइएसँगै संगठनमा भाँडभैलो शुरु भएको छ । यसै त फुटेर सानो भएको संगठन,त्यही संगठनमा समेत चिरा परेसँगै ७३ जना केन्द्रीय कमिटिका पदाधिकारीहरुको हस्ताक्षर सहित ध्यानाकर्षण पत्र बोकेर पार्टी अध्यक्ष माधव नेपालका अलवा महासचिवसम्म भेटेको उक्त पक्षको दावी छ ।शरण इतरको पक्षले उक्त समूहसँग १२/१५ जना मात्र रहेको दावी गरेको छ तर शरण खेमाले भने ७३ जना केन्द्रीय किमिटिका पदाधिकारीहरुको हस्ताक्षरसहित पार्टी अध्यक्ष र महासचिवलाई ज्ञापनपत्र बुझाएको दावी गरेको छ । कर्मचारी प्रेसले शरण पक्षधरसँग अध्यक्ष र महासचिवलाई ध्यानाकर्षण बुझाउने केन्द्रीय कमिटिका ७३ जनाको नाम माग्दा दिन सकेका छैनन् ।
बिज्ञापन
शरणलाई अध्यक्ष बनाउनुपर्ने भन्दै प्रदेश र स्थानीय तहबाट विज्ञप्तीबाजी नै शुरु भएको छ । यो लफडा पछि शरणलाई नै संगठनको अध्यक्ष बनाइनु पर्ने भन्दै आफुहरु शरणको पक्षमा रहेको विज्ञप्ती निकालेका छन्,मधेश प्रदेश कार्यसमितिका अध्यक्ष तुलाकृष्ण गोइत,कर्णाली प्रदेश कार्यसमितिका अध्यक्ष गोरबहादुर बूढा र गण्डकी प्रदेश कार्यसमितिका अध्यक्ष सोमलाल तिवारीहरुले । उनीहरुले एकीकृत सरकारी कर्मचारी संगठन काठमाण्डौ उपत्यका भित्रको मात्र सँगठन नभएर देशभरका कर्मचारीहरुको संगठन भएको हुँदा सँगठकको गुनासो र चासोलाइ सम्बोधन गर्न र ब्यक्तिको पछाडि लागेर सँगठन नसिद्धाउन विज्ञप्ती जारी गरेका छन् ।
तर शरण कुशल संगठक नभएको,उनी पेशागत महासंघमा समेत भएका कारण दुईतिर जिम्मेवारी दिन नसकिने,ऐनले पनि नमिल्ने र शरणका आनी,बानीका कारण पनि उनलाई संगठनको अध्यक्ष बनाउन नसकिएको अर्काे पक्षले कर्मचारी प्रेससँग जिकिर गरेको छ ।
यता यस्तो विज्ञप्ती जारी भइरहँदा बहुमत पक्षधरको निर्णय भन्दै उपाध्यक्ष यामबहादुर खत्रीलाई अध्यक्षमा चुनिएको छ । यो घटना पछि संगठनमा रहेका शरण पक्षहरुले कस्तो निर्णय लिन्छन्,त्यो प्रतिक्षाको बिषय बनेको छ ।
