सडक दुर्घटनामा परि एक उपसचिवको मृत्यु भएको छ। गएराति भैरहवामा भएको दुर्घटनामा मालपोत कार्यालय मझगांवा रुपन्देहीका प्रमुखको मृत्यु भएको हो ।
बिज्ञापन
आइतबार राती भैरहवास्थित गौतमबुद्ध अन्तर्राष्ट्रिय विमानस्थल अगाडि भएको दुर्घटनामा रुकुमको मुसिकोट नगरपालिका–१ घर भइ हाल रुपन्देहीको कोटहीमाई गाउँपालिका–५ मझगावास्थित मालपोत कार्यालयका मालपोत अधिकृत ४२ वर्षिय तिलक बहादुर रावतको मृत्यु भएको प्रहरीले जनाएको छ ।
बिज्ञापन
भैरहवाबाट लुम्बिनी आउँदै गरेको बा २१ च ७५५३ नंम्बरको कारले गौतमबुद्ध अन्तराष्ट्र्रिय विमानस्थल अगाडि सडकमा ठक्कर दिँदा मालपोत प्रमुख रावतको मृत्यु भएको जिल्ला प्रहरी कार्यालय रुपन्देहीले जनाएको छ ।
ठक्कर दिने कार चालकलाई प्रहरीले नियन्त्रणमा लिएको छ ।
बिज्ञापन
