२४ दिनदेखि चलेको शिक्षक महासंघ र सरकारबीच आज हुने भनिएको वार्ता समेत भाँडिएको छ । वार्तका लागि अपरान्ह तीन बजे समय दिइएको थियो । आन्दोलनरत शिक्षकहरु २५ जनाको समूहसहित सिंहदरबारको गेटमा पुगेका थिए । नेपाल शिक्षक महासंघका अध्यक्ष लक्ष्मी किशोर सुवेदीको नेतृत्वमा २५ जना वार्तामा सहभागी हुन सिंहदरबारको मूल गेटमा पुगेका थिए ।
बिज्ञापन
तर पास नपाए पछि उनीहरु अहिले सिंहदरबारको गेटमै रोकिएका छन् । वार्ताको लागि शिक्षा, विज्ञान तथा प्रविधि मन्त्रालयमा जान लागेको महासंघको टोली गेटमा रोकिएको हो ।
बिज्ञापन
सिंहदरबारको गेटबाट भित्र छिर्न नपाएपछि उनीहरु फर्किएका छन् भने आज हुने भनिएको वार्ता समेत भाँडिएको छ । वार्ताका लागि तयार पारेको सूची शिक्षक महासंघबाट नभई शिक्षा मन्त्रालयले तयार पारेपछि वार्ता भाँडिएको जनाइएको छ ।
नेपाल शिक्षक महासंघका अध्यक्ष लक्ष्मी किशोर सुवेदीले विशेष कारणवश आज आफूहरू मन्त्रालय प्रवेश नगरी फर्किएको जनाएको छन् । उनले भनेका छन्, ०८२ वैशाख १२ गते नवनियुक्त माननीय मन्त्रीज्यूसँग औपचारिक भेटका लागि हामी जाने क्रममा थियौँ । तर विशेष कारणवश आज हामी मन्त्रालय प्रवेश नगरी फर्किएको कुरा जानकारी गराउँछौँ’, उनले सामाजिक सञ्जाल फेसबुकमा भनेका छन् ।
बिज्ञापन
यसअघि बिहीबार सर्वोच्च अदालतले शिक्षकको माग तीन दिन भित्र सम्बोधन गरेर पठनपाठनको वातवरण बनाउन सरकारलाई आदेश दिएको थियो ।
शिक्षकहरू गत चैत २० गतेबाट निरन्तर सडक आन्दोलनमा छन् ।
