झापा – झापामा अर्को व्यक्तिको नाममा मोटरसाइकलको लाइसेन्स परीक्षा दिँदै गर्दा दुवै जनालाई ट्राफिक प्रहरीले पक्राउ गरेको छ । यातायात व्यवस्था कार्यालय झापाबाट कान्तिपुर ट्रायल सेन्टर बिर्तामोडमा आइतबार सञ्चालन भएको ए.के वर्गको प्रयोगात्मक परीक्षामा इलाम माङसेबुङ गाउँपालिका-३ बस्ने ३४ वर्षीय सुजन राईको सट्टामा पाँचथर मिक्लाजुङ गाउँपालिका-४ बस्ने ३८ वर्षीय सुजन राईले परीक्षा दिँदै गरेको अवस्थामा दुवै जना पक्राउ परेका हुन् ।

बिज्ञापन

जिल्ला ट्राफिक प्रहरी कार्यालय झापाले उनीहरूलाई पक्राउ गरी इलाका प्रहरी कार्यालय बिर्तामोडमा बुझाएको छ । दुवै जनालाई म्याद थप गरी अनुसन्धान भइरहेको बिर्तामोड प्रहरीका डीएसपी प्रकाश विष्टले जानकारी दिएका छन् ।