गोरखा नगरपालिकाकाको प्रमुख प्रशासकीय अधिकृतको कार्यकक्षमा निर्वाचित जनप्रतिनिधिले नै तालाबन्दी गरिदिएकी छिन् । उपमेयर मसली माया थोकरले प्रमुख प्रशासकीय अधिकृत कृष्णप्रसाद सुवेदीको कार्यकक्षमा गत बिहिबारदेखि ताल्चा लगाएकी हुन ।
बिज्ञापन
गत २४ गते नगरपालिकाको १३ औं नगरसभाको आयोजना गरिएको थियो । नगरसभामा एकलौटी गरिएको आरोपसहित उपमेयरले प्रमुख प्रशासकीय अधिकृतको कार्यकक्षमा ताला लगाइएको बताइएको छ ।
बिज्ञापन
थोकरले मेयर र प्रमुख प्रशासकीय अधिकृतले नगर सभाको प्रतिवेदनहरूमाथि छलफल नगराएकोमा आपत्ति जनाउँदै प्रमुख प्रशासकीय अधिकृतको कार्यकक्षमा ताला लगाइदिएकी हुन। काँग्रेसबाट निर्वाचित उपमेयर थोकरले नगरसभामा प्रस्तुत कार्यसूचीमा दफावार छलफलका लागि समय उपलब्ध गराउन आग्रह गर्दा समेत आवाजलाई बेवास्ता गरी एकलौटी ढङ्गले सभा अन्त्यको घोषणा गरिएको, प्रमुख प्रशासकीय अधिकृतको समन्वयकारी भूमिका नदेखाएको आरोप लगाउँदै प्रमुख प्रशासकीय अधिकृतको कार्यकक्षमा ताला लगाइदिएकी हुन ।
प्रमुख प्रशासकीय अधिकृतको कार्यकक्षमा ताला ठोकिए पछि उनी शुक्रवारै काठमाडौं निस्किएका छन् ।
बिज्ञापन
