नेपाल बैंकर्स संघको आगामी अध्यक्षका निम्ति माछापुच्छ्रे बैंकका प्रमुख कार्यकारी अधिकृत सन्तोष कोइराला निर्विरोध छानिएका छन् । कोइराला माछापुच्छ्रे बैंकका प्रमुख कार्यकारी अधिकृत हुन । उनी अहिले संघमा उपाध्यक्षको भूमिकामा थिए ।

बिज्ञापन

प्रभु बैंकका प्रमुख कार्यकारी अधिकृत अशोक शेरचन अध्यक्ष बन्ने लाइनमा थिए तर दबाबमा उनले मैदान छाडेपछि कोइराला निर्विरोध भएका हुन् ।
बैंकर्स संघको अध्यक्षमा कोइरालालाई ल्याउन र शेरचन रोक्ने खेलोमेलोमा अहिले नविल बैंकका प्रमुख कार्यकारी अधिकृत ज्ञानेन्द्र ढुंगाना सक्रिय रहेको बताइएको छ । उनै ढुंगानाको चलखेलका कारण शेरचनले उम्मेद्‍वारी फिर्ता लिएका छन्। माछापुच्छ्रे बैंकका सीईओ सन्तोष कोइराला उपेन्द्र महतोको निकट मानिन्छन् । यस्तै गभर्नर महाप्रसाद अधिकारीका समेत उनी नातेदार हुन्।
शेरचनले यस अघि पनि अध्यक्षको दावी गरेका थिए तर उनलाई अघिल्लो पटक व्याक गराउन उनै ज्ञानेन्द्र सक्रिय रहेका थिए ।