बीमा प्राधिकरणका अध्यक्ष सुर्य सिलवालविरुद्ध भ्रष्टाचारमुद्दा दायर भएको छ।सिलवाल आगामी माघ तेश्रो साता सेवा अवधि पूरा गरेर त्यहाँबाट निस्कने तयारीमा थिए ।सिलवालले तीन थरी नागरिकता प्रयोग गर्दै आएका थिए । निजामती किताबखानाको अभिलेख अनुसार सिलवालको जन्ममिति १५ साउन ०१५ उल्लेख भए पनि उनले प्राधिकरणको अध्यक्षमा नियुक्ति लिँदा २२ कात्तिक ०१६ को जन्ममिति पेस गरेको भेटिएको छ । दोस्रो नागरिकतामा उनले जन्ममिति एक वर्ष घटाई कागजात पेस गरेका थिए । यही जन्ममिति उनको मतदाता परिचयपत्र समेत बनाएका थिए । यस्तै उनले बोक्दै आएको राहदानीमा २४ कात्तिक ०१८ जन्ममिति उल्लेख गरिएको उनको तेस्रो नागरिकता पनि देखिएको छ । उनको राहदानीमा पनि यही जन्ममिति उल्लेख छ । १९ माघ ०७७ मा तत्कालीन मन्त्रिपरिषद् बैठकले सिलवाललाई तत्कालीन बिमा समितिको अध्यक्षमा नियुक्त गर्ने निर्णय गरेको थियो । कार्यकाल लम्बाउनका लागि उनले नागरिकतामा कीर्ते गरेको भेटिएसँगै उनीविरुद्ध अख्तियारमा उजुरी परेको थियो ।अध्यक्ष सिलवालले तीनवटा नागरिकता प्रयोग गरेको भेटिएसँगै उनीविरुद्ध अख्तियारमा उजुरी परेको थियो ।

बिज्ञापन

पटक पटक नागरिकताको विवरण हेरफेर गरी व्यक्तिगत लाभ लिएको आरोपमा अख्तियार दुरुपोग अनुसन्धान आयोगले सोमबार विशेष अदालतमा मुद्दा दायर गरेको हो । अख्तियारले उनी विरुद्ध राहदानीमा केरमेट र जालझेल गरेको आरोप पनि लगाएको  छ । सिलवालले नपाएको ओहदा पाएँ भन्ने एवं झुट्टा विवरण दिई भ्रष्टाचार गरेको भन्दै मुद्दा दायर भएको हो । उनीविरुद्ध ३६ लाख ६२ हजार १५४ रूपैयाँ बिगो कायम गर्दै विशेष अदालतमा मुद्दा दायर भएको छ ।