करार सेवाका कर्मचारी हटाउने बिषयमा उत्पन्न भएको विवाद सामाधान गर्न समिति गठन भएको छ । करार सेवामा कार्यरत रहेका २८ जना प्राविधिक कर्मचारीलाई हटाउने बिषयमा लफडा परिरहेको छ त्यहाँ । त्यहाँ १० इन्जिनियर तथा १८ जना सबइन्जिनियर करार सेवामा कार्यरत छन् । उनीहरुलाई लोकसेवा परीक्षा नै नलिइ स्थायी गरिएको थियो ।
त्यहाँ लोकसेवा आयोगले स्थायी कर्मचारी पठाए पनि करार कर्मचारी कार्यरत छन् । कात्तिक १४ को ३७ औं कार्यपालिका बैठकले ती २८ कर्मचारीलाई कार्तिक महिनासम्मको तलब दिएर मंसिर १ देखि विदा गर्ने तयारी छ ।कांग्रेसले जुनसुकै हालतमा ति कर्मचारी हटाउनुपर्ने तर एमालेले भने कुनै पनि हालतमा हटाउनु नहुने पक्षमा छन् ।
बिज्ञापन
सोही बिषय सामाधान गर्न महानगरका प्रवक्ता तथा वडा नम्बर २५ का अध्यक्ष मोति तिम्सिनाको संयोजकत्वमा कांग्रेस र एमाले वडाध्यक्ष र सदस्य सम्मिलित समिति गठन गरिएको हो ।
बिज्ञापन
समितिको सदस्यहरुमा ४ नम्बर वडाध्यक्ष देवकृष्ण पराजुली, ५ का अध्यक्ष बिष्णु प्रसाद बराल, १३ का अध्यक्ष किरण बराल, १५ का अध्यक्ष तोरण बानियाँ छन् । यस्तै, ३० नम्बरका सदस्य विनोद लामिछाने, १६ का सदस्य रामचन्द्र आचार्य, २२ की सदस्य कृष्ण कुमारी पौडेल र २८ की डाल्डादेवी भुजेल पनि सदस्य छन् ।
बिज्ञापन
उनीहरुलाइ समाधानको उपाय सुझाउन ३ दिनको म्याद दिइएको छ ।
