विराटनगर । सशस्त्र प्रहरी बलका प्रहरी नायब उपरीक्षक (डीएसपी) मृत भेटिएका छन् ।
बिज्ञापन
मोरङको धनपालथान गाउँपालिका—३ मा सशस्त्र प्रहरी बलका डीएसपी उपेन्द्र बस्याल मृत भेटिएको प्रहरीले जनाएको छ ।
बिज्ञापन
मोरङ प्रहरीका प्रवक्ता प्रहरी नायब उपरीक्षक रञ्जनकुमार दाहालका अनुसार धनपालथान गाउँपालिका—३ सोराभागस्थित सशस्त्र प्रहरीको गुल्मका प्रमुख रहेका उनी कार्यालय परिसरमै रहेको निवासमा झुण्डिएको अवस्थामा फेला परेका हुन् ।
घटनाबारे प्रहरीले अनुसन्धान सुरु गरेको जनाएको छ । बस्यालको परिवारसँग पनि सम्पर्क गर्ने प्रयास भइरहेको जनाइएको छ ।प्रहरीको टोली अनुसन्धानका लागि घटनास्थलमा सक्रिय भएको छ ।
बिज्ञापन
उनको मृत्युको कारण नखुले पनि उनले आत्महत्या गरेको अनुमानग रिएको छ ।उनी सशस्त्र प्रहरी सेवा प्रवेश गरेको १८ वर्ष पुगेको छ। २०६२ फागुन २१ गते सशस्त्र प्रहरी निरीक्षक पदमा सेवा प्रवेश गरेका थिए।
उनीसँगै सेवा प्रवेश गरेका अन्य अधिकृतहरूले वार्षिकोत्सव मनाउने तयारी गरिरहेका वेला यो घटना बाहिर आएको हो। “आज खुशीको दिन भएकाले बेलुका रमाइलो गर्ने कार्यक्रम थियो, यस्तो दुःखद खबर आयो,” उनका एक साथीले भने।
पाल्पाको तान्सेन घर भएका उनी पाँच महीनाअघि प्रस्तावित गुल्ममा खटिएका थिए। यसअघि बोर्डर आउटपोस्ट रहेको कार्यालयलाई सशस्त्रले गुल्ममा विकसित गर्ने उद्देश्यले बस्याललाई प्रमुख बनाएर खटाएको थियो।
