विराटनगर भन्सार कार्यालयमा तोडफोड भएको छ । ट्रकको ठक्करबाट साइकलयात्रीको मृत्युपछि आक्रोशित भएका स्थानीयले ढुङ्गामुढा गर्दा भन्सार कार्यालयमा क्षति पुगेको हो ।

बिज्ञापन

बिहीबार बेलुका झण्डै ७ बजे ना ४ ख २४८३ नम्बरको ट्रकले साइकलयात्री विराटनगर १८ का अन्दाजी ६० वर्षीय श्याम साहलाई ठक्कर दिएको थियो । उपचारका लागि विराट नर्सिङहोम पुर्‍याएलगत्तै साहको मृत्यु भएको थियो । सो घटनाको विरोधमा स्थानीय आन्दोलित छन् ।