अविरल बर्षासँगै आएको बाढी, पहिरो र डुबानका कारण कृषि क्षेत्रले साढे ६ अर्ब भन्दा बढी रकमको क्षति भएको कृषि मन्त्रालयले जनाएको छ ।
बिज्ञापन
मन्त्रालयका अनुसार झण्डै ३ अर्ब ५० करोडको धानबालीमा क्षति पुगेको छ । अविरल बर्षासँगै आएको वाढी पहिरोका कारण सप्तरी, सिराहा, धनुषा, महोत्तरी, सर्लाही, रौतहट, बारा, पर्सा, नवलपुर वागलुङ, खोटाङ, झापा, कैलाली, लमजुङ, पर्वत, कास्की, स्याङ्जा, सिन्धुली, मकवानपुर र काभ्रेसहितका २० जिल्लाका ५८ हजार ४७६ हेक्टर धानबालीमा भएको क्षतिको कारण ३ अर्ब ५० करोड रुपैयाँको नोक्सान भएको मन्त्रालयले जनाएको छ ।
बिज्ञापन
यस्तै मन्त्रालयका अनुसार, खोटाङ जिल्लामा मात्र १३ हजार हेक्टरमा लगाएको ७० करोड रुपैयाँको अलैंची खेती नस्ट भएको छ । पर्सामा ८५ हेक्टरमा लगाएको ३४ करोडको उखु खेति बाढीले नोक्सान गरेको छ । धनुषा, महोत्तरी, सर्लाही, रौतहट, बारा र पर्साका ४५८ हेक्टरमा गरिएकोमाछापालनमा भएको क्षति १ अर्ब १३ करोड रुपैयाँको भएको मन्त्रालयले जनाएको छ ।
पाँचथर, धनकुटा, तेह्रथुममा २४ गोठमा क्षति पुगेको, विभिन्न जिल्लाका २६ हजार २०५ पशुन्छीको मृत्यु भएको, २२ हजार हेक्टरमा लगाइएको फूलखेती नस्ट भएको, ४७ सय ४३ हेक्टरको लगाइएको तरकारी क्षति भएको मन्त्रालयले जनाएको छ ।
यस्तै भौतिक पूर्वाधारतर्फ कृषि मन्त्रालय मातहतका लालबन्दी, गोदावरी, खुमलटार, मुसिकोट, फिकल, र्कीतिपुर, नवलपुरसहितका स्थानको कार्यलयमा क्षति पुग्दा १६ करोड बढी नोक्सान भएको मन्त्रालयले जनाएको छ ।
बिज्ञापन
