संघीय मामिला तथा सामान्य प्रशासन मन्त्रालयको बदमासीका कारण एउटै पालिकामा दुई जना प्रमुख प्रशासकीय अधिकृत(हाकिम) लाई जिम्मेवारी दिएको छ । गत वैशाख २० गतेमात्र वारास्थित जीतपुरसिमरा उपमहानगरपालिकाको प्रमुख प्रशासकिय अधिकृत उर्मिला काफ्लेलाई खटाइएकोमा सोही ठाउँमा २७ भदौंको मन्त्रिस्तरीय निर्णयबाट त्यहाँ प्रमुख प्रशासकीय अधिकृत खटाइएसँगै लफडा निस्किएको छ ।उनको सरुवाको बिषयलाई लिएर अदालतमा मुद्धा विचराधिन रहेकै अवस्थामा अर्काे हाकिमलाइए खटाइएपछि लफडा झनै चर्किएको हो ।
बिज्ञापन
माओवादीबाट निर्वाचित मेयर राजन पौडेल रहेको उक्त पालिकामा बहुसंख्यक जनप्रतिनिधि एमालेका छन् । प्रमुख प्रशासकीय अधिकृत मेयरप्रति उत्तरदायी भएको भन्दै संघीय मामिला तथा सामान्य प्रशासन मन्त्री र उनका सचिवालयका कान भरेपछि मन्त्री र सचिवालयको मिलेमतोमा प्रमुख प्रशासकीय अधिकृत उर्मिला काफ्लेलाई साउनमै फिर्ता बोलायो मन्त्रालयले ।
बिज्ञापन
आफैंले बनाएको मापदण्ड कुल्चिएर तीन महिनामै प्रमुख प्रशासकीय अधिकृत फिर्ता बोलाएसँगै न्याय खोज्दै मधेश प्रदेशको एक मात्र महिला प्रमुख प्रशासकीय अधिकृत अदालतको ढोका ढकढकाउन पुगिन । मन्त्रालयले २०८१ साल साउन ३ गते काफ्लेको सरुवा गर्दा सरुवा नियम कानुन बिपरित भएको भन्दै सर्वोच्च अदालत पुगेकी थिईन् ।साउन ९ गते सर्वोच्च अदालतले अर्को आदेश नभएसम्मकोलागि प्रमुख प्रशासकिय अधिकृत काफ्लेको सरुवा कार्यान्वयन नगर्न अल्पकालिन आदेश जारी गरेको थियो ।
अदालतले काफ्लेलाई कामकाज गराउन सरकारका नाममा अल्पकालिन आदेश जारी गरेसँगै सो पालिकाको प्रमुख प्रशासकीय अधिकृतको कुर्सीमा काफ्ले नै कार्यरत छिन् । यो मुद्धाको ६ असोजमा पेसी तोकिएकोमा सुनुवाई हुन सकेको छैन । यता, यही बीचमा काफ्लेको अमेरिका भ्रमणसमेत संघीय मामिला मन्त्री गुप्ताले रद्ध गरिदिएको अवस्था छ ।
बिज्ञापन
यही बीचमा गत असोज ४ मा सहसचिवहरुको सरुवा हुँदा वीरेन्द्रदेव भारतीलाई जीतपुर सीमरामा खटाइएको छ । सो प्रकरणमा अदालतको अवहेलना भएको भन्दै अदालतले प्रधानमन्त्री तथा मन्त्री परिषदको कार्यालयसँग जवाफ मागेको छ । असोज ६ गते सवोच्च अदालतले जीतपुरसिमरा उपमहानगरपालिकाको प्रमुख प्रशासकिय अधिकृत उर्मिला काफ्ले वादी रहेको मुद्धामा अदालतको अवहेलना भएको भन्दै लिखित जवाफ माग गरेको हो ।
मन्त्रीपरिषद्को भदौ २७ गते बसेको बैठकले अतिरिक्त समूहमा रहेका बिरेन्द्र देव भारतीलाई जीतपुरसिमरा उपमहानगरपालिकाको प्रमुख प्रशासकिय अधिकृतको रुपमा पठाएको छ । प्रमुख प्रशासकिय अधिकृत काफ्लेले असोज ४ गते प्रधानमन्त्री तथा मन्त्रीपरिषदको कार्यालय र सह सचिव भारतीलाई लाई बिपक्षी बनाई मुद्धा दर्ता गरेकी थिइन । सोही प्रकरणमा अदालतले प्रधानमन्त्री तथा मन्त्रिपरिषद्को कार्यालयसँग जबाफ माग गरेको हो ।
यता जीतपुरसिमरा उपमहानगरपालिकाको नगर प्रमुख राजन पौडेलले एक पत्र लेख्दै प्रमुख प्रशासकीय अधिकृत काफ्लेको सरुवाको बिषयमा अदालतमा मुद्धा बिचारधिन रहेको र प्रधानमन्त्री तथा मन्त्रीपरिषदको कार्यालय र सह सचिव भारतीलाई बिपक्षी बनाई दर्ता भएको मुद्धामा अदालतले लिखित जवाफ माग गरेको अवस्थामा सह सचिव भारतीलाई अदालतको अवहेलना हुने गरी जीतपुरसिमरा उपमहानगरपालिकामा हाजीर नहुन अनुरोध गरेका छन् ।
