निजामती क्षेत्रमा गुल्मी जिल्लाले एक पछाडि अर्को रेकर्ड तोड्दै गएको छ । निजामती प्रवेशको फलामे ढोका मानिने लोकसेवा परीक्षा भीडेर नाम निकाल्नमा गुल्मेलीहरु अग्रपक्तिंमा रहेको एउटा विवरण सार्वजनिक भएको छ ।
बिज्ञापन
अघिल्लो आर्थिक बर्ष ८०/ ८१ मा निजामती सेवातर्फ सञ्चालित विभिन्न लिखित परीक्षाहरुमा गुल्मीले आफ्नो वर्चश्व कायम गरेको थियो । लोकसेवा आयोगको प्रतिवेदन अनुसार ८०/ ८१ मा सञ्चालन भएका परीक्षामा गुल्मीकै वर्चश्व कायम गरेको हो । सो जिल्लाबाट एक बर्षमै १०४ जनाले लोकसेवा पास गरेर निजामतीमा स्थायी जागिर खाएका छन् । गुल्मीपछि स्याङ्जाबाट १०२, सर्लाहीबाट ९१, धनुषाबाट ७८ र कञ्चनपुरबाट ७३ जना निजामती सेवामा प्रवेश गरेका छन् ।
बिज्ञापन
आयोगका अनुसार अघिल्लो आर्थिक बर्षमा २ हजार ६८८ जना उम्मेदवार स्थायी नियुक्तिका लागि सिफारिस भएका थिए । जसमा ७४४ महिला र १ हजार ९ सय ४४ जना पुरूष थिए । जसमध्ये गुल्मीका १०४ जना रहेका छन् ।
गत वर्ष मनाङ र मुस्ताङ जिल्लाबाट कुनै पनि उम्मेदवार सिफारिस हुन सकेनन् भने अरु जिल्लाबाट कुनै न कुनै संख्यामा निजामती प्रवेश गर्नेहरु रहे । मनाङबाट १०, मुस्ताङबाट ४९, रसुवाबाट ४५८, रुकुम पूर्वबाट ७३९ र डोल्पाबाट १ हजार २४ आवेदन परेको छ । यी ५ जिल्लाबाट कुल २ हजार २८० अर्थात् कुल दरखास्तको ०.४८ प्रतिशतमात्र दरखास्त परेका देखिन्छ ।यी जिल्लाबाट लोकसेवाप्रतिको आकर्षण निकै कम रहेको देखिएको छ ।
बिज्ञापन
आयोगका अनुसार दरखास्त दिनेमा सबैभन्दा धेरै सर्लाहीका रहेका छन् । एक वर्षको अवधिमा निजामती सेवातर्फ प्रकाशित आन्तरिक, खुला तथा समावेशी समूहका विज्ञापनमा ४ लाख ७३ हजार ४ सय ९० दरखास्त परेको थियो । जसमा सर्लाहीबाट सबैभन्दा धेरै १८ हजार ३२८ वटा दरखास्त परेको थियो । धनुषाबाट १६ हजार ६७३ र सप्तरीबाट १६ हजार ५१४, महोत्तरीबाट १५ हजार ८३५ र बाराबाट १५ हजार ४२३ वटा आवेदन परेको थियो ।
