ताहाचलस्थित वैदेशिक रोजगार विभागमा कार्यरत एक जना कर्मचारी बलात्कार आरोपमा पक्राउ परेका छन ।
बिज्ञापन
एक युवतीले दिएको बलात्कार आरोपको उजुरीको आधारमा प्रहरीले बिभागका कर्मचारी सुब्बा घलेलाई पक्राउ गरेको हो । घलेलाई कालीमाटीबाट पक्राउ गरिएको जिल्ला प्रहरी परिसर काठमाडौंले जनाएको छ ।
बिज्ञापन
प्रहरीका अनुसार आरोपी घलेले महिलालाई बलात्कार गरेको आरोप छ । घले वैदेशिक रोजगार विभागमा करारमा कार्यरत रहेको पाइएको छ ।
प्रहरीका अनुसार, यूएईमा वैदेशिक रोजगारीबाट फर्किएकी एक महिला फेरि श्रम स्वीकृति लिन भन्दै १० माघ २०८० मा श्रम कार्यालय गएकी थिइन् । त्यसक्रममा कार्यालयका कर्मचारी सुब्बासँग उनको चिनजान भएको थियो ।
बिज्ञापन
‘त्यतिबेला उनले तपाईं यहाँ आइराख्नु पर्दैन, म तपाईंको श्रम स्वीकृति ह्वाट्स एपमा पठाइदिउँला भनेकाले मैले नम्बर दिएको थिएँ’, पीडितले प्रहरीलाई दिएको जाहेरीमा भनिएको छ, ‘सोही दिन मलाई उनले हाई भनेर म्यासेज गरे, ९ फागुन २०८० सम्म पनि श्रम स्वीकृति नआएपछि मैले म्यासेज गरें । उनले मलाई फोन गरेर श्रम स्वीकृति आएको छ, भेटेर दिन्छु भनेका थिए ।’
प्रहरीसँग दिएको बयानमा भने सुब्बाले आरोप इन्कार गरेका छन् ।
