पूर्ववर्ती सरकारलाई समेत माथ खुवाउने गरी मन्त्रीहरू आर्थिक अनियमिततामा मुछिन थालेका छन् । मेडिकल व्यवसायी तथा बिचौलियाको इशारामा चल्दा स्वास्थ्य तथा खाद्य स्वच्छता मन्त्री निशा मेहता अर्काे लफडामा परेकी छन् । यसअघि श्रममन्त्री दीपक साहकी पत्नीलाई नियुक्ति दिँदा विवादमा तानिएकी उनले मेडिकल व्यवसायी तथा बिचौलियाहरूले रोजेका कर्मचारीलाई रोज्जा कार्यालयमै पठाउने काम गरिरहेको तथ्य सार्वजनिक भएको छ । यसमा कुन तहसम्मको आर्थिक बदमासी भएको होला, सो नखुले पनि साउन अन्तिम साता भरतपुरबाट स्वास्थ्य सेवा विभाग परिवार स्वास्थ्य महाशाखामा डा. ओम अर्याललाई ल्याउने काम बिचौलिया र मेडिकल व्यवसायीहरूले गरेको च्याट संवाद नै बाहिरिएको छ । मेहताको मन्त्रीस्तरीय निर्णयबाट स्वास्थ्य सेवा विभाग परिवार कल्याण महाशाखाको प्रमुख रहेका डा. मदनकुमार उपाध्यायलाई वीर अस्पतालतिर पठाएर सो स्थानमा भरतपुरबाट डा. ओम अर्याललाई ल्याइएको हो ।

बिज्ञापन

सो सूूचीअनुसार, स्वास्थ्य आपत्कालीन कार्यसञ्चालन केन्द्र (एचईओसी) प्रमुखमा डा. हेमन्त ओझालाई ल्याइएको छ ।ओझा यसअघि विभागअन्तर्गतको उपचारात्मक महाशाखामा कार्यरत थिए । यस्तै मन्त्रालयको सूचना अधिकारी भक्तबहादुर केसीलाई स्वास्थ्य तालिम केन्द्रमा र स्वास्थ्य आपूर्ति शााखाको प्रमुखमा दया पन्त र नीति तथा योजनाको उपसचिवमा धनेश्वर पौडेललाई ल्याइँदा दया र डा. ओम अर्याललाई बिचौलियाको इच्छाअनुसार चलाएको पाइएको छ । कर्मचारी सरुवा गरिँदा बिचौलियाले चेतन निधि वाग्ले सचिव विकास देवकोटाको मान्छे भएको र उसले धेरै डिष्टर्ब गरेको कारण सरुवा गर्न म्यासेजमार्फत आग्रह गरिएको भोलिपल्टै डा. ओम अर्यालको एफडब्लुडी (परिवार कल्याण महाशाखामा भइसकेको र मदनलाई भोलिबाट आउट गरिएको म्यासेज पठाइन्छ । स्वास्थ्य मन्त्रीको टिमबाट धोकेवाज दयाको लजिष्टिक भएको र भोलि हाजिर हुन्छ भन्ने संवाद भएको छ । यसरी कर्मचारी सरुवामा मन्त्रीका स्वकीय निरज कटुवाल हावी रहेको स्वास्थ्यका कर्मचारी बताउँछन् ।