सरकारले विभिन्न तीन वटा विभागका महानिर्देशकहरु हेरफेर गरेको छ । जसमा दुई वटा विभागमा सहसचिव खटाइएको छ भने एक वटा विभागमा उपसचिवलाई निमित्त महानिर्देशकको जिम्मेवारी दिएर खटाइएको छ । महानिर्देशकको जिम्मेवारी हेरफेर भएका विभागहरुमा जसमध्ये सञ्चार मातहतका दुईवटा र पर्यटन मन्त्रालय मातहतको एक विभाग रहेको छ ।
बिज्ञापन
सूचना तथा सञ्चार मन्त्रालयमा मातहत रहेको मुद्रण विभागको महानिर्देशकमा अनुप नेपाललाई खटाइएको छ । नेपाल उपसचिव हुन, लामो समयदेखि मन्त्रालयको फ्रिक्वेन्सी व्यवस्थापन महाशाखामा कार्यरत रहेका उपसचिव नेपाललाई सूचना तथा प्रसारण विभागको निमित्त महानिर्देशकको जिम्मेवारी दिएर खटाइएको हो । यस्तै मन्त्रालयले छविन्द्र पराजुलीलाई मुद्रण विभागको महानिर्देशक बनाएर खटाएको छ । यस अघि मुद्रण विभागको महानिर्देशक रविलाल शर्मालाई भने मन्त्रालयमा लगिएको छ ।
उता झण्डै तीन बर्षदेखि पुरातत्त्व विभागको महानिर्देशक रहेकी सौभाग्य प्रधानांगलाई पर्यटन मन्त्रालयमा लगिएको छ । उनलाई मन्त्रालयको संस्कृति महाशाखा प्रमुखको जिम्मेवारी दिइएको छ भने पुरातत्व विभागको महानिर्देशकको जिम्मेवारी डा सुरेश सुरस श्रेष्ठ आएका हुन्। उनी यसअघि संस्कृति, पर्यटन तथा नागरिक उड्ययन मन्त्रालयको संस्कृति महाशाखा प्रमुखको भूमिकामा थिए ।
