भूमि व्यवस्था,सहकारी,संघीय मामिला तथा सामान्य प्रशसान मन्त्रालयले थप ३९ जना कर्मचारीहरुको सरुवा गरेको छ । मन्त्रालयले सहायकस्तरदेखि उपसचिव तहसम्मका गरी ३९ जना कर्मचारीहरुको सरुवा गरेको हो ।
सरुवाको सूची अनुसार,६ जना उपसचिव,४ जना शाखा अधिकृतस्तरका र बाँकी २२ जना नासु तहका,७ जना खरिदार तहका गरी ३९ जना कर्मचारी रहेका छन् ।
जसमा आन्तरिक मामिला तथा कानुन मन्त्रालयबाट अर्जुन निरौलालाई राष्ट्रिय किताबखाना,भूमि व्यवस्था,सहकारी,संघीय मामिला तथा भुवनेश्वर लामिछानेलाई गृहमा सरुवा गरिएको छ भने जयकला राई पनि सामान्यको अतिरिक्तबाट गृहमै सरुवा भएको छ । यस्तै,गरुडा नगरपालिकाको प्रमुख प्रशासकीय अधिकृत निलमकुमार न्यौपानेलाई मौलापुर नगरपालिकाको प्रप्रअ,भोजपुर नगरपालिकाबाट नाथु साहलाई गरुडा नगरपालिकाको प्रमुख प्रशासकीय अधिकृतको रुपमा सरुवा गर्दा मौलापुर नगरपालिका,रौतहटबाट सुरेशबाबु घिमिरेलाई जिसस दैलेख पुर्याइएको छ ।
यस्तै,सूचना तथा सञ्चारबाट राजकुमार दुलाललाई भूमि मन्त्रालय,जिल्ला प्रशासन रौतहटबाट गुरु प्रसाद ढकाललाई सूचना तथा सञ्चार,भूमि व्यवस्थाबाट इन्जिनियर आशिष चौधरीलाई पूर्वाधार विकास मन्त्रालय र युवा तथा खेलकुदबाट इन्जिनियर रविन बस्नेतलाई पूर्वाधार मन्त्रालयमा पुर्याइएको छ ।
मन्त्रालयले सोही मितिमा २२ जना नायब सुव्वा तहका र ७ जना खरिदार तहका कर्मचारीहरुको समेत सरुवा गरेको छ । सरुवा भएका कर्मचारीहरुमा कम्युटर अपरेटर,सुपरिवेक्षक,सर्भेक्षक,तथ्यांक सहायक रहेका छन् ।
बिज्ञापन
