मन्त्रिपरिषद्को बैठकले मुख्य सचिवमा गोविन्द बहादुर कार्कीलाई नियुक्त गरेको छ । प्रधानमन्त्री तथा मन्त्रिपरिषद् कार्यालयमा कार्यरत रहेका कार्कीलाई मुख्य सचिवमा नियुक्त गरेको हो ।
मुख्य सचिव सुमनराज अर्याल २६ गते अनिवार्य अवकाशमा जाने भएसँगै सरकारले प्रधानमन्त्री कार्यालयमा कार्यरत रहेका कार्कीलाई मुख्य सचिवमा नियुक्त गरेको छ ।

बिज्ञापन

कार्की ८१ भदौंमा सचिवमा बढुवा भएका थिए । तत्कालीन समयमा मुख्यसचिव नियुक्तिलाई लिएर असन्तुष्ट राष्ट्रिय योजना आयोगका सचिव तोयारनारायण ज्ञवालीले राजीनामा दिएपछि रिक्त रहेको सचिव कार्कीलाई सचिवमा नियुक्ति गरिएको थियो ।