मन्त्रिपरिषद्को बैठकले सरुवा,नियुक्ति,नियमावली स्वीकृत लगायतका निर्णयहरु गरेको छ ।
केहीबेर अघि सिंहदरबारमा सम्पन्न बैठकमा शिक्षा नियमावली १० औँ संशोधन स्वीकृत गरेको छ भने कमैया श्रम निषेध गर्नेसम्बन्धी पहिलो संशोधन नियमावली, २०८३ स्वीकृत गर्ने निर्णय गरेको हो ।
यस्तै नेपाल प्रहरीका आठ जना प्रहरी अतिरिक्त महानिरीक्षक (एआईजी)हरुको सरुवा गर्ने निर्णय गरेको क्याविनेटले विशिष्ट संरचना सञ्चालन तथा विकास समितिको कार्यकारी निर्देशकमा धर्मराज खड्का (धनकुटा) लाई नियुक्त गरेको छ ।

बिज्ञापन

यस्तै मन्त्रिपरिषद्को बैठकलले गोरखापत्र संस्थानको महाप्रवन्धकमा हिक्मत बहादुर रावल,सुरक्षण मुद्रण केन्द्रको कार्यकारी निर्देशकमा देवराज ढुंगाना नियुक्त गरेको छ ।मन्त्रिपरिषद्ले राष्ट्रिय सदाचार नीति २०८३’ र ‘राष्ट्रिय विज्ञापन नीति २०८३’ लाई पनि स्वीकृत गरेको छ ।