बिज्ञापन

बिज्ञापन

पहिलो, सम्पत्ति विवरण व्यवस्थापन प्रणाली अन्तर्गत अब प्रदेश सरकार मातहतका कर्मचारीहरूले प्रत्येक वर्ष बुझाउने सम्पत्ति विवरणलाई डिजिटल माध्यमबाट छिटो, व्यवस्थित र प्रभावकारी रूपमा अभिलेखीकरण तथा व्यवस्थापन गर्न सकिनेछ। यसअघि यस्तो विवरण हातैले व्यवस्थापन गरिँदै आएको थियो।

दोस्रो, प्रादेशिक अभिलेख व्यवस्थापन प्रणाली मार्फत शिटरोललगायत कर्मचारीसँग सम्बन्धित सम्पूर्ण कागजातलाई व्यवस्थित रूपमा वर्गीकरण, खोजी तथा अभिलेखीकरण गर्न सकिने व्यवस्था गरिएको छ। यसबाट कर्मचारी अभिलेख व्यवस्थापन थप प्रभावकारी हुने अपेक्षा गरिएको छ।

तेस्रो, पुष्टिकरण सन्देश सेवा अन्तर्गत कर्मचारीले आफ्नो शिटरोल दर्ता, संकेत नम्बर जारी भएको तथा सम्पत्ति विवरण दर्ता भएको जानकारी आफ्नै मोबाइल फोनमा सन्देशमार्फत प्राप्त गर्नेछन्। यसअघि यस्तो सुविधा उपलब्ध थिएन।

महानिर्देशक पोखरेलले नयाँ मोड्युलको कार्यान्वयनसँगै कोशी प्रदेश सरकार मातहत कार्यरत करिब दुई हजार पाँच सय कर्मचारी प्रत्यक्ष रूपमा लाभान्वित हुने विश्वास व्यक्त गर्नुभयो।

राष्ट्रिय किताबखानाले कर्मचारी सूचना प्रणालीलाई थप आधुनिक, पारदर्शी, छिटोछरितो र प्रविधिमैत्री बनाउने उद्देश्यले प्रदेश सरकारहरूसँग सहकार्य गर्दै यस्ता डिजिटल सेवाहरू विस्तार गर्दै आएको जनाएको छ।